കോട്ടയം: ജനുവരി മുതല് അംഗന്വാടി ജീവനക്കാരുടെ പ്രതിമാസ വേതനം പതിനായിരം രൂപയായി വര്ദ്ധിപ്പിക്കുമെന്ന സര്ക്കാര് പ്രഖ്യാപനം നടപ്പിലാക്കണമെന്ന് അംഗന്വാടി സ്റ്റാഫ് അസോസിയേഷന് ജില്ലാ കൗണ്സില് യോഗം ആവശ്യപ്പെട്ടു. അംഗന്വാടി വര്ക്കര്ക്കും ഹെല്പ്പര്ക്കും യഥാക്രമം 5600 രൂപയും 4100 രൂപയുമാണ് നിലവിലുള്ളത്. തദ്ദേശഭരണ സ്ഥാപനങ്ങള് തനത് ഫണ്ടില് നിന്നും 1000 രൂപ വീതം ജീവനക്കാര്ക്ക് പ്രതിമാസം നല്കണമെന്ന് നിഷ്കര്ഷിച്ച് കഴിഞ്ഞ ആഗസ്റ്റില് സര്ക്കാര് ഉത്തരവായിട്ടും തുക നല്കുവാന് തദ്ദേശഭരണ സ്ഥാപനങ്ങള് നടപടി സ്വീകരിച്ചിട്ടില്ലെന്ന് യോഗം കുറ്റപ്പെടുത്തി. ജനറല് സെക്രട്ടറി അന്നമ്മ ജോര്ജ്ജ് അദ്ധ്യക്ഷത വഹിച്ചു. സംസ്ഥാന പ്രസിഡന്റ് കെ.എസ്.രമേഷ് ബാബു ഉദ്ഘാടനം ചെയ്തു. . മേരി കുര്യന്, സൂസന് ചാണ്ടി, ഷാലി തോമസ്, മിനി മാത്യു എന്നിവര് പ്രസംഗിച്ചു.
ജില്ലാ ഭാരവാഹികളായി കെ.എസ്.സുഷ(പ്രസിഡന്റ്), പി.എം.രാജമ്മ, ത്രേസ്യാമ്മ സോമന്(വൈസ് പ്രസി.), കെ.ജി.തങ്കമണി(സെക്രട്ടറി), പി.പി.ശോഭനാദേവി, എ.എന്.രാധാമണി(ജോ.സെക്രട്ടറി), വി.ജി.വാസന്തി(ട്രഷറര്) എന്നിവരെ തെരഞ്ഞെടുത്തു.
