ഫുട്ബോള് പോരാട്ടത്തിന് കളിക്കാര് മൈതാനത്തിലേക്ക് പ്രവേശിക്കുന്നത് കുട്ടികളുടെ അകമ്പടിയോടെയാണ്. ഓരോ കളിക്കാരന്റെയും കൈ ഓരോ കുട്ടി പിടിച്ചാണ് ആനയിക്കുക. വരിയായി നില്ക്കുന്ന ഓരോരുത്തരുടെയും മുമ്പില് കൈപിടിച്ചാനയിച്ച കുട്ടി ഏകാഗ്രതയോടെ നിന്നതിനുശേഷമാണ് ദേശീയഗാനാലാപനം. ഐഎസ്എല് മത്സരത്തില് ഈ കുട്ടികള് ദേശീയഗാനാലാപന സമയത്ത് നെഞ്ചത്തു കൈവയ്ക്കുന്നതിന്റെ ശിക്ഷണം ആരാണ് കൊടുത്തതെന്നറിയില്ല.
ഭാരത സംസ്കാരപ്രകാരം രണ്ടുകയ്യും തൂക്കിയിട്ടു ഏകാഗ്രമായി ആണ് നില്ക്കേണ്ടത്. വിദേശ സമ്പ്രദായം വിദേശികളായ കളിക്കാരുകൂടി അനുകരിക്കുന്നില്ല. പണ്ട് ശശി തരൂര് ഈ വിദേശ സമ്പ്രദായം നടപ്പിലാക്കാന് ശ്രമിച്ചത് വലിയ വിവാദത്തില് കലാശിച്ചത് ജനം ഇന്നും ഓര്ക്കുന്നു. അവസാനം ശശിതരൂരിന് ഖേദം പ്രകടിപ്പിക്കേണ്ടിവന്നു.
നമ്മുടെ സംസ്കാരത്തിന്റെ വിലയും മഹത്വവും മനസ്സിലാക്കാതെ പാശ്ചാത്യ സംസ്കാരത്തെ അനുകരിക്കാന് വെമ്പല്കൊള്ളുകയാണ് ഇന്നത്തെ തലമുറ. ജന്മദിനം ആഘോഷിക്കുന്നതിന് കത്തിച്ച മെഴുകുതിരി ഊതിക്കെടുത്തിയും കേക്ക് മുറിച്ചുമുള്ള സമ്പ്രദായവും ഉദാഹരണമാണ്. ഇങ്ങനെ എത്ര ഉദാഹരണങ്ങള് വേണമെങ്കിലും പറയാന് കഴിയും. കുട്ടികളെ കുറ്റംപറഞ്ഞിട്ട് കാര്യമില്ല. അവരെ വളര്ത്തുന്ന അച്ഛനമ്മമാരാണ് ഇത്തരം വികലമായ അനുകരണത്തിന് പ്രോത്സാഹിപ്പിക്കുന്നത്. അവര് കുട്ടികള്ക്ക് മാതൃകകളാകണമെന്ന കാര്യം മറക്കുന്നു. നമ്മുടെ സംസ്കാരത്തെ പ്രകീര്ത്തിച്ചും അനുകരിച്ചും അതിന്റെ മഹത്വത്തെപ്പറ്റി പാശ്ചാത്യര് നമ്മെ ബോധവാന്മാരാക്കേണ്ട ഗതികേട് വന്നിരിക്കുകയാണ്.
തളി ശങ്കരന് മൂസത്,
ഇടപ്പള്ളി
