ആര്. ശങ്കറിന്റെ മഹത്വത്തെക്കുറിച്ച് വാഴ്ത്താന് യോഗ്യതയില്ലാത്ത ആരെങ്കിലും ഉണ്ടെങ്കില് അത് ഉമ്മന്ചാണ്ടി മാത്രമാണ്. 1971 ലെ ലോക്സഭ തെരഞ്ഞെടുപ്പില് ആര്.ശങ്കര് ചിറയിന്കീഴ് മണ്ഡലത്തില് നിന്ന് മത്സരിക്കാന് ആഗ്രഹിച്ചപ്പോള് അന്ന് യൂത്ത് കോണ്ഗ്രസ് നേതാവായിരുന്ന ഉമ്മന്ചാണ്ടി വയലാര് രവിക്കുവേണ്ടി ആ നീക്കത്തെ തടയിടുകയായിരുന്നു.
യുവാക്കള്ക്ക് അവസരം നല്കണമെന്നായിരുന്നു ഉമ്മന്ചാണ്ടിയുടെ ആവശ്യം. തുടര്ന്നു ആര്.ശങ്കറിന് മത്സരിക്കാനുള്ള അവസരം നഷ്ടപ്പെടുകയും അദ്ദേഹത്തിന്റെ രാഷ്ട്രീയ ജീവിതത്തിനു അന്ത്യംകുറിക്കുകയുമായിരുന്നു. അന്ന് മത്സരിച്ചിരുന്നെങ്കില് വിജയിച്ച് കേന്ദ്ര ക്യാബിനറ്റ് മന്ത്രി പദവിയില് എത്തേണ്ടിയിരുന്ന ആളായിരുന്നു ആര്.ശങ്കര്. അങ്ങനെയുള്ള ഉമ്മന്ചാണ്ടിയാണു ശങ്കറിന്റെ സ്മരണ നിലനിര്ത്താന് സംഘടിപ്പിക്കുന്ന ചടങ്ങില് ഞെളിഞ്ഞിരിക്കാന് തല്ലുണ്ടാക്കുന്നത്. ശങ്കറിന്റെ രാഷ്ട്രീയ ഘാതകനായ ഉമ്മന്ചാണ്ടിക്ക് പ്രതിമ അനാശ്ചാദന ചടങ്ങില് നിന്ന് ഒഴിവാക്കപ്പെട്ടതിലൂടെ കാലം നടപ്പാക്കിയ നീതി.
ഹരീഷ്. ആര്
ഉമ്മന് ചാണ്ടി ഉള്പ്പെടെയുള്ള രാഷ്ട്രീയ കുബുദ്ധികള് പിന്നില് നിന്നു കുത്തുകയും കുതികാല് വെട്ടുകയും ചെയ്ത ആര്.ശങ്കര് എന്ന കോണ്ഗ്രസ് മുഖ്യമന്ത്രിയുടെ പ്രതിമ അല്ല കൊല്ലത്ത് അനാവരണം ചെയ്യുന്നത്, എസ്എന്ഡിപി യോഗം ജനറല് സെക്രട്ടറി പദത്തിലിരുന്ന ആര്.ശങ്കറുടെ പ്രതിമയാണ് കൊല്ലത്ത് പ്രധാനമന്ത്രി അനാവരണം ചെയ്യുന്നത്. അഴിമതിക്കാരുടെയും, കോഴക്കാരുടെയും തോഴനായ ഉമ്മന്ചാണ്ടിയെ അവിടെ അടുപ്പിച്ചാല് ആ പ്രദേശം കളങ്കപ്പെട്ടു പോകും.
ജിതിന് പി.ജി
