വാഷിംഗ്ടണ്: ഭീകരസംഘടനയായ ഇസ്ലാമിക് സ്റ്റേറ്റിന് അമേരിക്കന് പ്രസിഡന്റ് ബറാക്ക് ഒബാമയുടെ മുന്നറിയിപ്പ്. ഐഎസ് നേതാക്കളെ വധിക്കുമെന്നാണ് ഒബാമ മുന്നറിയിപ്പ് നല്കിയത്. ഇറാഖിലെയും സിറിയയിലെയും ഐസിസ് ഭീകരര്ക്കെതിരെ യു.എസ് നയിക്കുന്ന സഖ്യത്തിന്റെ പ്രവര്ത്തനങ്ങള് പുരോഗമിക്കുകയാണ്.
ഐസിസിന്റെ നേതൃത്വത്തിലുള്ളവരെ ഓരോരുത്തരായി സഖ്യം നശിപ്പിച്ചു കൊണ്ടിരിക്കുകയാണെന്നും വ്യോമാക്രമണങ്ങള് ശക്തിപ്പെടുത്തി കഴിഞ്ഞുവെന്നു പറഞ്ഞ ഒബാമ ഐസിസ് നേതാക്കള്ക്ക് എങ്ങും ഒളിക്കാന് കഴിയില്ലയെന്നും അടുത്ത ലക്ഷ്യം നിങ്ങളാണെന്നും ഒബാമ വ്യക്തമാക്കി.
ഭീകരാക്രമണങ്ങള് അഴിച്ചുവിടുന്ന ഇസ്ലാമിക് സ്റ്റേറ്റിനെതിരായ പോരാട്ടങ്ങളുടെ ശക്തി വര്ധിപ്പിക്കുമെന്ന് ഒബാമ കൂട്ടിച്ചേര്ത്തു. ദേശീയ സുരക്ഷാ ഉപദേഷ്ടാക്കളുമായി പെന്റഗണില് നടന്ന ചര്ച്ചയ്ക്ക് ശേഷമാണ് ആഴ്ചകളായി ഐസിസിന്റെ പ്രവര്ത്തനങ്ങള് തടയാനായുള്ള ഒബാമയുടെ നടപടികള് വ്യക്തമാക്കണമെന്ന സമ്മര്ദ്ദത്തിന് അദ്ദേഹം മറുപടി പറഞ്ഞത്.
ഐസിസില് നിന്നുള്ള തുടര്ച്ചയായ തിരിച്ചടികള്ക്ക് ശേഷം യു.എസ് നയിക്കുന്ന സഖ്യം സിറിയയിലെയും ഇറാഖിലെയും ഐസിസിന്റെ കീഴിലുള്ള പ്രദേശങ്ങള് തിരിച്ചു പിടിച്ചിരുന്നു.
കലിഫോര്ണിയയിലുണ്ടായ ആക്രമണത്തിന്റെ പശ്ചാത്തലത്തില് സംസാരിക്കവെയാണ് തിരിച്ചടി ശക്തമാക്കുമെന്ന രീതിയിലുള്ള മുന്നറിയിപ്പ് ഒബാമ ഐഎസിനു നല്കിയത്. ഐഎസിനെതിരായ പോരാട്ടങ്ങള്ക്ക് മറ്റ് രാജ്യങ്ങളുടെ പിന്തുണ തേടുമെന്നും ഒബാമ പറഞ്ഞു. അടുത്തതു നിങ്ങളാണ് എന്ന മുന്നറിയിപ്പല്ലാതെ മറ്റൊന്നും പറയാനില്ലെന്നും ഒബാമ കൂട്ടിച്ചേര്ത്തു.
