കൊച്ചി: സാമൂഹ്യ ജീവകാരുണ്യ സാംസ്‌കാരിക മേഖലകളില്‍ നിറസാന്നിദ്ധ്യമായ എറണാകുളം കരയോഗത്തിന്റെ നവതി ആഘോഷം 21 മുതല്‍ 25 വരെ ടിഡിഎം ഹാളില്‍ നടക്കുമെന്ന് ഭാരാവാഹികളായ കരയോഗം പ്രസിഡന്റ്് കെ.പി.കെ. മേനോന്‍, ജനറല്‍ സെക്രട്ടറി പി. രാമചന്ദ്രന്‍ എന്നിവര്‍ പത്ര സമ്മേളനത്തില്‍ അറിയിച്ചു. 21 ന് ഗവര്‍ണര്‍ പി. സദാശിവം നവതിയാഘോഷം ഉദ്ഘാടനം ചെയ്യും. സ്മരക പ്രകാശനവും ഗവര്‍ണര്‍ നിര്‍വഹിക്കും. സ്വാഗത സംഘം ചെയര്‍മാര്‍ കെ.എസ്. രാധകൃഷ്ണന്‍, കെ.ടി. മോഹന്‍, നടന്‍ സുരേഷ് ഗോപി, സ്വാമി വിവിക്താനന്ദ സരസ്വതി, മന്ത്രി രമേശ് ചെന്നിത്തല എന്നിവര്‍ പങ്കെടുക്കും കെ.പി.കെ. മേനോന്‍, പി. രാമചന്ദ്രന്‍ എന്നിവര്‍ പങ്കെടുക്കും. ഉച്ചയ്‌ക്ക്് മുതിര്‍ന്ന അംഗങ്ങളെ ആദരിക്കുന്ന ചടങ്ങ് നടക്കും. വൈകിട്ട് കുടുക്ക വീണ കച്ചേരി, മിഴാവ് തായമ്പക എന്നിവ നടക്കും. 22 ന് നവരത്‌ന പ്രതിഭകളെ ആദരിക്കല്‍ ചടങ്ങ് മുന്‍ കേന്ദ്രമന്ത്രി ഒ. രാജഗോപാല്‍ ഉദ്ഘാടനം ചെയ്യും. കവിതാ പരായണവും ഉണ്ടായിരിക്കും. 23 ന്് നടക്കുന്ന ‘മതം ഇരുപത്തി ഒന്നാം നൂറ്റാണ്ടില്‍’ എന്ന വിഷയത്തില്‍ നടക്കുന്ന സെമിനാര്‍ റിട്ട.ജസ്റ്റീസ്. ആര്‍. ഭാസ്‌കരന്‍ ഉദ്ഘാടനം ചെയ്യും. സ്വാമി ചിദാനന്ദപുരി പ്രഭാഷണം നടത്തും. വൈകീട്ട് കരയോഗം കഥകളി ക്ലബ്ബിന്റെ നേതൃത്വത്തില്‍ കഥകളി നടക്കും. 23ന് ‘മാറുന്ന തൊഴില്‍ സംസ്‌കാരം’ എന്ന സെമിനാര്‍ റിട്ട.ജസ്റ്റീസ് സി.എന്‍. രാമചന്ദ്രന്‍ ഉദ്ഘാടനം ചെയ്യും. പ്രസംഗ മത്സരം, കോലമെഴുത്ത് എന്നിലയും ഉണ്ടാകും. 24ന് സാസ്‌കാരിക സമ്മേളനം സി. രാധകൃഷ്ണന്‍ ഉദ്ഘാടനം ചെയ്യും. 24 ന് നടക്കുന്ന മാധ്യമ സെമിനാറില്‍ അഡ്വ.ജയശങ്കര്‍ വിഷയാവതരണം നടത്തും. ഡോ.സെബാസ്റ്റിയന്‍ പോള്‍, പി. രാജന്‍, കെ.വി.എസ.്് ഹരിദാസ് എന്നിവര്‍ പങ്കെടുക്കും. 25ന് പുതുമയുടെ പുതുതലമുറ എന്ന വിഷയത്തില്‍ നടക്കുന്ന സെമിനാര്‍ ജസ്റ്റീസ്്് ജയശങ്കരന്‍ നമ്പ്യാര്‍ ഉദ്ഘാടനം ചെയ്യും. വൈകീട്ട് ആറിന് നടക്കുന്ന സമാപന സമ്മേളത്തില്‍ തെക്കേ മഠം മൂപ്പില്‍ സ്വാമിയാര്‍ വാസുദേവാനന്ദ ബ്രഹ്മമാനന്ദഭൂതി ഭദ്രദീപം തെളിയിക്കും. മന്ത്രി തിരുവഞ്ചൂര്‍ രാധകൃഷ്ണന്‍ ഉദ്ഘാടനം ചെയ്യും. ബിജെപി സംസ്ഥാന പ്രസിഡന്റ് വി. മുരളീധരന്‍ മുഖ്യപ്രഭാഷണം നടത്തുമെന്നും ഭാരാവാഹികള്‍ പറഞ്ഞു. നവതി ആഘോഷത്തിന്റെ സ്മാരകമായി നഗരത്തില്‍ പോളിടെക്‌നിക്കും ജനറിംഗ്്് മരുന്ന്്് വിതരണ മെഡിക്കല്‍ ഷോപ്പും തുറക്കും. ഗുരുവായൂരില്‍ ഗസ്റ്റ് ് ഹൗസും ഓഡിറ്റോറിയവും നിര്‍മ്മിക്കുമെന്നും ഭാരാവാഹികള്‍ അറിയിച്ചു. ശതാബ്ദി വര്‍ഷത്തില്‍ രാജ്യാന്തര കണ്‍വെന്‍ഷന്‍ സെന്റര്‍ നിര്‍മ്മിക്കുമെന്നും കൂട്ടിച്ചേര്‍ത്തു. പത്രസമ്മേളനത്തില്‍ കെ.ടി.മോഹനന്‍, രവി കുറ്റിക്കാട്ട് എന്നിവരും പങ്കെടുത്തു.
എറണാകുളം കരയോഗത്തിന്റെ നവതി ആഘോഷം 21 മുതല്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.