കൊച്ചി: കൊച്ചി യജ്ഞമെന്നാല് സത്കര്മ്മത്തിന്റെയും നിസ്വാര്ത്ഥ സമര്പ്പണത്തിന്റെയും പ്രതീകമാണെന്ന് ഹരിദ്വാറിലെ ശാന്തികുഞ്ജ് ആശ്രമം അധിപന് ഡോ.പ്രണവ് പാണ്ഡെ. എറണാകുളം നോര്ത്ത് ഇന്ത്യന് ചാരിറ്റബിള് ട്രസ്റ്റിന്റെ നേതൃത്വത്തില് നടന്ന സത്സംഗത്തില് സംസാരിക്കുകയായിരുന്നു അദ്ദേഹം.
രാഷ്ട്രത്തിന്റെ നിര്മ്മാണത്തിന് അശ്വമേധയോഗത്തിന്റെ പങ്ക് എന്ന ചിന്തയില് യജ്ഞം സമൂഹത്തെ ഉന്നത മാനവീയ ആദര്ശങ്ങളോടെ മുന്നോട്ടുപോകാന് പ്രേരിപ്പിക്കുന്നു.
യജ്ഞത്തിന്റെ മൂല ഉദ്ദേശം പരമാര്ത്ഥത, ആത്മസംയമനം, ദാനം, ഭാവസംവേദ തുടങ്ങിയ മൂല്യങ്ങളെ നിത്യജീവിതത്തില് ഉള്ക്കൊള്ളുകയെന്നതാണ്. അശ്വമേധം എന്നാല് സാഹസത്തിന്റെയും ബുദ്ധിയുടേയും സംയോജനം എന്നാണ്. സാമൂഹികമായി ജനജാഗരണം വഴി മനുഷ്യരില് ഉറങ്ങിക്കിടക്കുന്ന പ്രതിഭയെ ഉണര്ത്താനും അവയെ സംസ്കൃതിയുടെ ഉയര്ച്ചയ്ക്കായി പ്രയോജനപ്പെടുത്താനും അശ്വമേധയജ്ഞം ഒരു മാധ്യമമാണെന്നും അദ്ദേഹം കൂട്ടിച്ചേര്ത്തു.
ജസ്റ്റീസ് ആര്. ഭാസ്ക്കരന് ഉദ്ഘാടനം ചെയ്തു. അസി. സോളിസെറ്റര് ജനറല് എന്. നഗരേഷ്, ഗായത്രി പരിവാര് ഭാരവാഹികളായ ഉമേശ്കുമാര് ശര്മ, ഡോ.ബ്രിജ്മോഹന് ഗൗര്, ശ്യാം സുന്ദര് അഗര്വാള്, അശോക് അഗര്വാള്, തുടങ്ങിയവര് പങ്കെടുത്തു.
2016 ജനുവരി 28 മുതല് 31 വരെ അഖിലവിശ്വ ഗായത്രി പരിവാറിന്റെ നേതൃത്വത്തില് കന്യാകുമാരി വിവേകാനന്ദ കേന്ദ്രത്തില് നടത്തുന്ന അശ്വമേധ ഗായത്രീ മഹായജ്ഞത്തിന്റെ ഭാഗമായിട്ടാണ് പരിപാടി സംഘടിപ്പിച്ചത്.
