കോഴിക്കോട്: ബ്രഹ്മഗിരി ഡെവലപ്മെന്റ് സൊസൈറ്റി യുടെ മലബാര് മീറ്റ് ഉല്പന്നങ്ങള് കോഴിക്കോടന് വിപണിയി ലേക്കും. 2016 മാര്ച്ചിനു മുമ്പ് കോഴിക്കോട്, വയനാട് ജില്ലകളിലായി 100 പുതിയ ഔട്ട്ലെറ്റുകള് തുടങ്ങുമെന്ന് ചെയര്മാന് പി. കൃഷ്ണപ്രസാദ് വാര്ത്താസമ്മേളനത്തില് പറഞ്ഞു.
അടുത്ത ഘട്ടമായി മലപ്പുറം, കണ്ണൂര് ജില്ലകളിലേക്കും വ്യാപിപ്പിക്കും. പോത്ത്, ആട്, കോഴി എന്നിവയുടെ 26തരം ഉല്പന്നങ്ങളാണ് വിപണിയില് വിതരണം ചെയ്യുന്നത്. പുതിയ ഔട്ട് ലറ്റുകള് തുറക്കുന്നതിനൊപ്പം പോത്തുകുട്ടികളെ വളര്ത്തുന്നതിനും ബ്രഹ്മഗിരി പ്രോത്സാഹനം നല്കുമെന്നും അദ്ദേഹം പറഞ്ഞു.
കഴിഞ്ഞ മൂന്നുവര്ഷം കൊണ്ട് 3717 പോത്തുകുട്ടികളെ വയനാട്ടിലെ കര്ഷകര്ക്ക് വളര്ത്താനായി നല്കി. വരുന്നവര്ഷം 2000 കുട്ടികളെക്കൂടി നല്കും. ഇവയെല്ലാം തിരിച്ച് ബ്രഹ്മഗിരിയിലേക്ക് തന്നെ കര്ഷകര് കൊണ്ടുവരുന്നതിനാല് അവര്ക്ക് മെച്ചപ്പെട്ട് ലാഭം കിട്ടും.
താല്പര്യമുള്ള കര്ഷകര്ക്കും എസ്റ്റേറ്റ് ഉടമകള്ക്കും പോത്തുഫാമുകള് സ്ഥാപിക്കുന്നതിനും ആട്, കോഴിഫാമുകള്ക്കും സഹായം നല്കുമെന്ന് കൃഷ്ണപ്രസാദ് പറഞ്ഞു.
അഖിലേന്ത്യാതലത്തിലാണ് ബ്രഹ്മഗിരിയുടെ പ്രവര്ത്തനം വിഭാവനം ചെയ്തിരിക്കുന്നത്. നിലവില് ആന്ധ്രപ്രദേശ്, തമിഴ്നാട് എന്നിവിടങ്ങളിലും ബ്രഹ്മഗിരി പ്രവര്ത്തിക്കുന്നുണ്ട്. വയനാട്ടില് എല്ലാ പഞ്ചായത്തുകളിലും ബ്രഹ്മഗിരി ഫാര്മേഴ്സ് സൊസൈറ്റികള് രൂപീകരിച്ചിട്ടുണ്ട്. വരും വര്ഷങ്ങളില് മലബാറിലെ മറ്റ് ജില്ലകളിലും ഫാര്മേഴ്സ് സൊസൈറ്റികള് രൂപീകരിക്കുമെന്നും അദ്ദേഹം കൂട്ടിച്ചേര്ത്തു. വൈസ് ചെയര്മാന് കെ.ജെ. പോള്, അനു സ്കറിയ, ഡോ. ജെറീഷ് എന്നിവരും വാര്ത്താസമ്മേളനത്തില് പങ്കെടുത്തു.
