പത്തനാപുരം: നാല് ഇരുമ്പുതൂണുകളും ടിന്ഷീറ്റ് മേഞ്ഞ മേല്ക്കൂരയും കൊണ്ട് താല്ക്കാലികഷെഡ് ഉണ്ടാക്കി അയ്യപ്പന്മാരോടുളള താല്പര്യം പ്രകടിപ്പിച്ചിരിക്കുകയാണ് പത്തനാപുരം ഗ്രാമപഞ്ചായത്ത്.
മണ്ഡലകാലം ആരംഭിച്ച് പതിനഞ്ച് ദിവസം പിന്നിട്ടപ്പോഴാണ് തീര്ത്ഥാടകരോടുള്ള അടങ്ങാത്ത സ്നേഹം പഞ്ചായത്ത് പുറത്തുകാട്ടിയത്. കല്ലുംകടവിലെ െ്രെപവറ്റ് ബസ് സ്റ്റാന്റിലാണ് പഞ്ചായത്ത് വക താല്കാലിക ഇടത്താവളം . എന്നാല് താല്കാലിക ഷെഡ് ഉണ്ടാക്കിയെങ്കിലും അതില് വിരിവയ്ക്കുവാനോ കുടിവെള്ളത്തിനോ വേണ്ട സൗകര്യം ഒരുക്കിയട്ടില്ല. വൃത്തിഹീനമായ തറയില് ടാര്പ്പയോ ചാക്കുകളോ നിരത്താന് പഞ്ചായത്ത് മറന്നു.
ശൗചാലയത്തിനുളള സ്ഥലമുണ്ടങ്കിലും അതും ഒരുക്കിയിട്ടില്ല. ആര്ക്കോ വേണ്ടി എന്തിനോവേണ്ടി ഒരു ഷെഡ്. ഇതിലും ഭേദം കാല് നടയാത്രയായും വാഹനങ്ങളിലും മറ്റും യാത്ര ചെയ്ത് ക്ഷീണിച്ചുവരുന്ന തീര്ത്ഥാടകര് കടത്തിണ്ണയിലും മരത്തണലിലും വിശ്രമിക്കുന്നതായിരുന്നു. കല്ലുംകടവില് തന്നെ ലക്ഷങ്ങള് ചിലവഴിച്ച് നിര്മ്മിച്ച സാംസ്കാരിക നിലയം ഉപയോഗ ശൂന്യമായി കിടക്കുകയാണ്. അതില് തന്നെ ഇടത്താവളം ഒരുക്കാമെങ്കിലും അതിന് തയ്യാറാകാതെ താല്കാലിക ഷെഡ് നിര്മ്മിച്ചിരിക്കുകയാണ്. ഇതിന്റെ പേരില് വാടകയിനത്തില് ലക്ഷങ്ങളാണ് എഴുതിതളളുന്നത്. ഇടത്താവളത്തില് വിശ്രമിക്കാനെത്തുന്ന അയ്യപ്പന്ന്മാര് ഇരുമുടി കെട്ട് വൃത്തിഹീനമായ തറയില്വയ്ക്കേണ്ട ഗതികേടിലാണ്. അയ്യപ്പ സേവാസമിതിയുടെ നിരന്തരമായ പ്രതിഷേധത്തെ തുടര്ന്നാണ് താല്ക്കാലിക ഇടത്താവളം ഒരുക്കാന് പഞ്ചായത്ത് തയ്യാറായത്. അയ്യപ്പന്മാര്ക്ക് വേണ്ട അടിസ്ഥാനസൗകര്യങ്ങള് ഒരുക്കാതെ പേരിന് വേണ്ടി തട്ടിക്കൂട്ടി നിര്മ്മിച്ച താല്കാലിക ഇടത്താവളത്തിനെതിരെ പ്രതിഷേധം ശക്തമാണ്.
