കുഞ്ഞുമനസ്സിലെ ഭാവനകള് വര്ണത്തേരേറിയ കാഴ്ചകള്ക്കാണ് എറണാകുളം ദര്ബാര് ഹാള് ആര്ട്ട് ഗാലറി സാക്ഷ്യം വഹിച്ചത്. ആര്ട്ട് സ്കേപ് എന്ന് പേരുനല്കിയ ചിത്രപ്രദര്ശനത്തില് മാള ഹോളിഗ്രേസ് അക്കാദമിയിലെ കുട്ടികള് വരച്ച ചിത്രങ്ങള് ഉള്പ്പെടുത്തിക്കൊണ്ടുള്ളതായിരുന്നു. യുകെജി മുതല് പ്ലസ് ടുവിന് പഠിക്കുന്ന കുട്ടികളുടേതായിരുന്നു ചിത്രപ്രദര്ശനം.
ചിത്രരചനയില് വ്യത്യസ്ത മാധ്യമങ്ങളാണ് കുട്ടികള് ഉപയോഗിച്ചത്. യുകെജി വിദ്യാര്ത്ഥി ഋതുഭേദിന്റെ ചിത്രങ്ങള് നിറങ്ങളുടെ ജാലകക്കാഴ്ചകളാണ് സമ്മാനിക്കുന്നത്. ഹോളിഗ്രേസിലെ അധ്യാപകരായ സന്ദീപ് സി.എസ്, സുജിത് എ.എസ് എന്നിവരാണ് ചിത്രപ്രദര്ശനത്തിന് മുന്കൈ എടുത്തത്. നവംബര് 23 ന് ആരംഭിച്ച പ്രദര്ശനം കഴിഞ്ഞ ദിവസം സമാപിച്ചു.
