മട്ടന്നൂര്: ലോകത്ത് ഏറ്റവും സമധാനപൂര്ണമായി ജീവിക്കാന് കഴിയുന്ന ഏകരാജ്യം ഭാരതം മാത്രമാണെന്ന് ഇറാഖിലെ മുന് ഇന്ത്യന് സ്ഥാനപതിയും ഇന്ത്യന് വിദേശകാര്യ മന്ത്രാലയം ഡയരക്ടറുമായ എ.അജയകുമാര് ഐഎഫ്എസ് അഭിപ്രായപ്പെട്ടു. മട്ടന്നൂര് ഹയര് സെക്കന്ററി സ്കൂളില് നടക്കുന്ന മട്ടന്നൂര് സബ് ജില്ലാ സ്കൂള് കലോത്സവത്തിന്റെ സമാപനച്ചടങ്ങില് സ്മരണിക പ്രകാശനം ചെയ്ത ശേഷം സംസാരിക്കുകയായിരുന്നു അദ്ദേഹം. ലോകം ഇന്ന് ഭീതിജനകമായ രീതിയിലാണ് നീങ്ങിക്കൊണ്ടിരിക്കുന്നത്. ഒരുകാലത്ത് ഏഷ്യയിലെ ഏറ്റവും സംസ്കാര സമ്പന്നമായ രാജ്യങ്ങളിലൊന്നായ ഇറാഖില് നിന്ന് മൂന്ന് ബില്യന് ജനങ്ങളാണ് തീവ്രവാദികള് കാരണം അഭയാര്ത്ഥികളായി മാറിയിരിക്കുന്നത്. ഈ മേഖലയില് ഒന്നിനു പിറകേ ഒന്നായി രാജ്യങ്ങള് തകര്ച്ചയിലേക്ക് നീങ്ങിക്കൊണ്ടിരിക്കുകയാണ്. ഇതേ സ്ഥിതി തുടരുകയാണെങ്കില് നാലോ അഞ്ചോ വര്ഷത്തിനുള്ളില് ജനങ്ങള്ക്ക് സമാധാനപൂര്ണമായി ജീവിക്കാന് കഴിയുന്ന ഒരേയൊരു രാജ്യം ഭാരതം മാത്രമായിരിക്കുമെന്ന രീതിയിലേക്ക് കാര്യങ്ങള് നീങ്ങുകയാണ്. തങ്ങള് പറയുന്നതു മാത്രമേ ശരിയുള്ളൂ എന്ന് തീവ്രവാദികള് ചിന്തിക്കാന് തുടങ്ങിയതു മുതലാണ് രാജ്യങ്ങള് നശിക്കാന് തുടങ്ങിയത്. തീവ്രവാദത്തിനെതിരെ ജനങ്ങളില് നിന്ന് ശക്തമായ എതിര്പ്പ് ഉയര്ന്നു വരണം. രാഷ്ട്രീയത്തിന് മേലേ നിന്നുകൊണ്ട് സമാധാനം നിലനിര്ത്താന് യജ്ഞിക്കണം. ജീവിതത്തില് ഒന്നുംതന്നെ വെറുതെ കിട്ടില്ലെന്നും കഠിന പരിശ്രമമുണ്ടായാല് മാത്രമേ വിജയം കൈവരിക്കാന് സാധിക്കുകയുള്ളൂ എന്നും അദ്ദേഹം വിദ്യാര്ത്ഥികളെ ഉദ്ബോധിപ്പിച്ചു. നഗരസഭാ ചെയര്മാന് കെ.ഭാസ്കരന് മാസ്റ്റര് അധ്യക്ഷത വഹിച്ചു. പി.കെ.ശ്രീമതി എംപി ഉദ്ഘാടനം ചെയ്തു. സിനിമാ സംവിധായകന് സലീം അഹമ്മദ് വിജയികള്ക്ക് സമ്മാനവിതരണം നടത്തി. എഇഒ പി.പി.രമാദേവി സര്ട്ടിഫിക്കറ്റുകള് വിതരണം ചെയ്തു. എച്ച്എം എ.കെ.ഷീല സ്വാഗതവും സി.ഹേമചന്ദ്രന് മാസ്റ്റര് നന്ദിയും പറഞ്ഞു.
ഉദ്ഘാടനപ്രസംഗത്തില് കേന്ദ്രസര്ക്കാറിനെതിരെയും സാഹിത്യമേഖലയിലെ ചിലരുടെ കേന്ദ്ര സര്ക്കാറിനെതിരെയുള്ള അസഹിഷ്ണുതാ പ്രചരണത്തെയും കൂട്ടുപിടിച്ച് എംപി നടത്തിയ പ്രസംഗം പ്രതിഷേധത്തിന് കാരണമായി. പ്രസംഗത്തിനെ ഏറിയ പങ്കും കേന്ദ്ര വിരുദ്ധ പ്രസംഗത്തിനാണ് എംപി സമയം കണ്ടെത്തിയത്. സമ്മാനം വാങ്ങാനെത്തിയ കുട്ടികളോട് എംപി നടത്തിയ രാഷ്ട്രീയ പ്രസംഗം അനവസരത്തിലുള്ളതാണെന്ന് പരിപാടിയില് പങ്കെടുത്തവര് അഭിപ്രായപ്പെട്ടു.
