കോട്ടയം: റെയില്വേ യന്ത്രപ്പടി അധികൃരുടെ ഒത്താശയോടെ പ്രവര്ത്തന രഹിതമാക്കുന്നതായി പരാതി. കുറച്ചുനാള് മുമ്പുവരെ യാതൊരു കുഴപ്പവും കൂടാതെ പ്രവര്ത്തിച്ചിരുന്ന യന്ത്രപ്പടി ശബരിമല സീസണ് ആരംഭിച്ചതോടുകൂടിയാണ് പ്രവര്ത്തിക്കാതായത്. ഇതുമൂലം നിരവധി അയ്യപ്പഭക്തന്മാരും യാത്രക്കാരുമാണ് ബുദ്ധിമുട്ടനുഭവിക്കുന്നത്. പോര്ട്ടര്മാരുടെ സ്വാധിനത്തിന് വഴങ്ങിയതാണ് റെയില്വേ അധികൃതര് ഈ നിലപട് എടുത്തതെന്നാണ് ഭക്തരും മറ്റുയാത്രക്കാരും പറയുന്നത്. യന്ത്രപ്പടി പ്രവര്ത്തന രഹിതമാണെന്ന് പരാതിപ്പെടുമ്പോള് പരിഹാസം കലര്ന്ന മറുപടിയാണ് അധികൃതര് നല്കുന്നത്. മറ്റ് സംസ്ഥാനങ്ങളില് നിന്നും വരുന്ന അയ്യപ്പഭക്തര് ശബരിമല ദര്ശനത്തിനായി അധിക ദിവസം യാത്ര ചെയ്യേണ്ടതിനാല് അത്രയും ദിവസത്തേക്കുള്ള സാധന സാമഗ്രികളുമായാണ് വരുന്നത്. അതിനാല് ഇവരുടെ പക്കല് ഭാരം കൂടിയ ലഗേജുകള് കാണും. ഇതും ചുമന്നുകൊണ്ട് പടികള് കയറിയിറങ്ങുന്നത് വളരെ അധികം ബുദ്ധിമുട്ടായതിനാല് യന്ത്രപ്പടിയേയാണ് എല്ലാവരും ആശ്രയിക്കുന്നത്. യന്ത്രപ്പടി ഇപ്പോള് പ്രവര്ത്തനക്ഷമമല്ലാത്തതിനാല് പോര്ട്ടര്മാരെ ആശ്രയിക്കേണ്ട സാഹചര്യത്തിലാണ് അയ്യപ്പഭക്തര്. ഈ സഹചര്യം പോര്ട്ടര്മാര് മുതലാക്കുകയും അവര് അമിത ചാര്ജ്ജ് വസൂലാക്കാക്കുകയും ചെയ്യുന്നുവെന്നാണ് അയ്യപ്പ ഭക്തരും യാത്രക്കാരും പറയുന്നത്.
ട്രെയിനുകള് ഒന്നും ഇല്ലാത്ത സമയത്തും യാത്രക്കാര് ഉപയോഗിക്കാത്ത സമയത്തും പ്രവര്ത്തിച്ചുകൊണ്ടിരിക്കുന്ന യന്ത്രപ്പടി ട്രെയിന് പ്ലാറ്റ്ഫോമിലെത്തുന്നതിന് തൊട്ടുമുമ്പാണ് നിശ്ചലമാകുന്നത്. ഇത് സ്റ്റേഷനിലെ ചില ഉദ്യോഗസ്ഥരും പോര്ട്ടര്മാരും ചേര്ന്നുള്ള ഒത്തുകളിയാണെന്നാണ് ആരോപണം. ശബരിമല തീര്ത്ഥാടകര്ക്ക് വേണ്ട സൗകര്യങ്ങള് ഒരുക്കുന്നതില് വലിയ വീഴ്ചയാണ് ഉദ്യോഗസ്ഥരുടെ ഭാഗത്ത് നിന്നും ഉണ്ടാകുന്നത്. കൂടാതെ സ്റ്റേഷനിലെ സ്റ്റാളുകളിലെ ചൂഷണവും രൂക്ഷമാണ്. വിലയിലും അളവിലും വലിയ വെട്ടിപ്പുകള് നടക്കുന്നതായി അന്യസംസ്ഥാനങ്ങളില് നിന്നും വരുന്ന അയ്യപ്പ ഭക്തര്ക്ക് പരാതിയുണ്ട്. ഇത് പരിശോധിക്കുവാന് ചുമതലപ്പെട്ട ഉദ്യോഗസ്ഥന്മാര് കൃത്യനിര്വ്വഹണം നടത്തുന്നില്ല. ഗുണനിലവാര പരിശോധനയും നടത്തേണ്ടുന്ന ആരോഗ്യവകുപ്പ് അധികൃതരും അനാസ്ഥയാണ് കാണിക്കുന്നത്.
