കൊട്ടാരക്കര: വാളകം അമ്പലക്കരയില് പോലീസിനെയും സിപിഎം ഗുണ്ടകളേയും ഭയന്ന് വീട്ടമ്മമാര് വീട് ഉപേക്ഷിക്കുന്നു. അമ്പലക്കരയില് കഴിഞ്ഞ ദിവസമുണ്ടായ സംഘര്ഷത്തിന്റെ പേരില് പോലീസുകാര് രാത്രികാലങ്ങളില് ബിജെപി പ്രവര്ത്തകരുടേയും അനുഭാവികളുടേയും വീടുകളില് അഴിഞ്ഞാടുകയാണ്.
പോലീസിന്റെ ശല്യം ഭയന്ന് വീട്ടമ്മമാര് വീട് ഉപേക്ഷിച്ച് ബന്ധുവീടുകളില് അഭയം തേടുകയാണ്. സിപിഎമ്മുകാര് കാട്ടിക്കൊടുക്കുന്ന വീടുകളിലെല്ലാം പോലീസ് സംഘം കയറി അസഭ്യവര്ഷം നടത്തുകയും വീട്ടിലുള്ളവരെ ഭീഷണിപെടുത്തുകയും ചെയ്യുന്നു. സംഭവവുമായി യാതൊരു ബന്ധവുമില്ലാത്ത കിലോമീറ്ററുകള് അകലെയുള്ള വീടുകളില് പോലും പോലീസിന്റെ ഭീഷണി തുടരുകയാണ്.
ക്രിസ്ത്യന് വിഭാഗത്തില് നിന്ന് ധാരാളം പേരുമായി ബിജെപിയില് എത്തിയ മലവിളയില് പൊന്നച്ചന്റെ വീട്ടില് പലതവണ അര്ദ്ധരാത്രിയില് എത്തിയ പോലീസ് വീട്ടുകാര്ക്ക് നേരെ അസഭ്യവര്ഷമാണ് നടത്തിയത്. വസ്തുവകകള് വിറ്റ് കാശാക്കിവച്ചേക്കാനും ഭര്ത്താവിനെ കൊലകേസില്വരെ കുടുക്കുമെന്നും പോലിസ് ഭീഷണിപെടുത്തി. മകന് വിദേശത്ത് പോകാന് ഇനി പാസ്പോര്ട്ടും ലഭിക്കില്ല എന്നിങ്ങനെ അലറിയപ്പോള് ഇനിയും ഭീഷണിപെടുത്താല് നിങ്ങള്ക്കെതിരെ കേസുകൊടുക്കും എന്ന് പറഞ്ഞ് ശക്തമായ നിലപാട് എടുത്തതോടെയാണ് പുറത്തുപോയത്. വീണ്ടും അര്ദ്ധരാത്രിയില് വേറൊരു സംഘവും വന്ന് ഭീഷണിപെടുത്തി. ഇവിടെ ബിജെപി സ്ഥാനാര്ഥി നിസാരവോട്ടുകള്ക്കാണ് പരാജയപ്പെട്ടത്.
പൊന്നച്ചനെ കള്ളക്കേസില് കുടുക്കിയും ഭീഷണിപ്പെടുത്തിയും ബിജെപിയുടെ മുന്നേറ്റത്തെ ചെറുക്കാന്വേണ്ടി സിപിഎം പോലീസിനെ കരുവാക്കുകയാണെന്നാണ് വര്ഷങ്ങളായി പൊന്നച്ചനെ പരിചയമുള്ള എതിര്പാര്ട്ടിക്കാര് പോലും പറയുന്നത്. സ്ത്രീകള് മാത്രം താമസിക്കുന്ന വീടുകളില് പോലും പലതവണയാണ് പോലീസ് പരിശോധനക്ക് എന്ന പേരില് എത്തുന്നത്.
ഇരുകുന്നത്ത് 70 വയസുള്ള ആനന്ദവല്ലിയമ്മ പറയുന്നത് കേട്ടാല് അറക്കുന്ന തെറിയാണ് കൊച്ചുമകന്റെ പ്രായം പോലുമില്ലാത്ത പോലീസുകാര് വിളിച്ചത് എന്നാണ്. സുനീഷ്ഭവനത്തില് സീതമ്മക്കും ഇതേ പരാതി തന്നെയാണ്. മലവിള രാഹുല് ഭവനത്തില് കയറിയ സംഘം മെയിന് സ്വിച്ച് ഓഫുചെയ്യുകയും ചെരുപ്പുകളുടെ ജോഡിയില് ഒന്ന് വീതം എടുത്ത് കളയുകയും ചെയ്തു. പകലും രാത്രിയുമായി പലതവണയാണ് വീടുകളില് പോലീസ് സംഘം എത്തുന്നത്. പോലീസ് അതിക്രമത്തിനെതിരെ വനിതാകമ്മീഷന്, പോലീസ് ഉന്നതര്, ആഭ്യന്തര മന്ത്രി എന്നിവര്ക്ക് പരാതി നല്കാന് ഒരുങ്ങുകയാണ് ഇവര്.
