കണ്ണൂര്: വെള്ളാപ്പള്ളി നടേശന് നടത്തുന്ന സമത്വ കേരള യാത്ര അലങ്കോലപ്പെടുത്തുവാന് സാമൂഹ്യവിരുദ്ധര് നടത്തുന്ന നീക്കം ഉത്തരവാദപ്പെട്ടവരുടെ അറിവോടുകൂടിയാണെന്ന് സംശയിക്കേണ്ടിയിരക്കുവെന്നും ഇത് ബന്ധപ്പെട്ടവര് തിരിച്ചറിയണമെന്നും തീയ്യമഹാസഭ അഭിപ്രായപ്പെട്ടു. സിപിഎം സംസ്ഥാന സെക്രട്ടറിയുടെ ഓരോ ദിവസത്തെ പ്രസ്താവനയും സാമൂഹ്യവിരുദ്ധരെ പ്രോത്സാഹിപ്പിക്കുന്നതാണ്. ഹിന്ദു സംഘടനകള് ശ്രീകൃഷ്ണ ജയന്തി ആഘോഷിച്ചുകൊണ്ടിരിക്കുമ്പോള് ഒരു സുപ്രഭാതത്തില് സിപിഎമ്മും ആ ദൗത്യം ഏറ്റെടുത്തു. എന്നാല് ഇതില് ആര്ക്കും എതിരില്ല. പക്ഷെ ഇവര് നടത്തിയത് കാട്ടാളത്ത ആഘോഷമായിരുന്നു. ഗുരുദേവനെ കുരിശില് തറച്ച നിശ്ചലദൃശ്യവും കൊണ്ടാണ് ഘോഷയാത്രകള് നടത്തിയത്. ഇതിനെതിരെ ജനം പ്രതികരിച്ചപ്പോള് പതിവ് പല്ലവി ആവര്ത്തിച്ച് തടിയൂരുകയായിരുന്നു. എന്നാല് ഇപ്പോള് ഗുരുദേവന്റെ പടം ആനപ്പുറത്തെഴുന്നള്ളിക്കുമ്പോള് കേരളം ഭ്രാന്താലയമാകുമെന്ന് പറഞ്ഞ് വ്യാജ പ്രചരണം നടത്തുകയാണ് ഇക്കൂട്ടര്. കേരളത്തില് മാറിമാറി ഭരിച്ച ഇടത് വലത് സര്ക്കാറുകള് കോടികളുടെ അഴിമതിയാണ് നടത്തിയത്. അഴിമതിയുടെ പേരില് മന്ത്രി മാണി രാജിവെച്ചു. മന്ത്രി ബാബുവിന്റെ സ്ഥാനം തുലാസിലായി. ഈ സാഹചര്യത്തില് കേരളജനതയെ ഉണര്ത്താന് ആരെങ്കിലും മുന്നോട്ട് വന്നാല് അവരെ തേജോവധം ചെയ്ത് ഇല്ലാതാക്കാനാണ് ചിലര് ശ്രമിക്കുന്നതെന്നും തീയ്യമഹാസഭ അഭിപ്രായപ്പെട്ടു. കൊറ്റിയാല് കൃഷ്ണന് അധ്യക്ഷത വഹിച്ചു.
സമത്വകേരള യാത്ര അലങ്കോലപ്പെടുത്താന് സാമൂഹ്യ വിരുദ്ധര് നടത്തുന്ന നീക്കം തിരിച്ചറിയണം: തീയ്യമഹാസഭ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.