ഉണിച്ചൂര്‍ കോവിലകം പ്രതിഷ്ഠ ബ്രഹ്മകലശ കളിയാട്ട മഹോത്സവം

രാജപുരം: ഉണിച്ചൂര്‍ കോവിലകം വട്ടക്കയം കരിച്ചേരി തറവാട് പ്രതിഷ്ഠ ബ്രഹ്മകലശ കളിയാട്ട മഹോത്സവം 2016 ജനുവരി 19, 20, 21, 22 തിയതികളില്‍ നടക്കും. 19ന് പാണത്തൂര്‍ കാഞ്ഞിരത്തിങ്കാല്‍ അയ്യപ്പക്ഷേത്രത്തില്‍ നിന്നും കലവറ നിറയ്‌ക്കല്‍ ഘോഷയാത്ര, ആചാര്യ വരവേല്‍പ്പ് എന്നിവയും 20ന് വിവിധ താന്ത്രിക പൂജകളും നടക്കും. 21ന് രാവിലെ ആയുധ പ്രതിഷ്ഠ, വൈകുന്നേരം 6ന് തെയ്യംകൂടല്‍. 22ന് വിഷ്ണുമൂര്‍ത്തി, വട്ടക്കയത്ത് ചാമുണ്ഡി തെയ്യങ്ങളുടെ പുറപ്പാട് എന്നിവയും നടക്കുമെന്ന് ആഘോഷകമ്മറ്റി ചെയര്‍മാനും കരിക്കേ പഞ്ചായത്ത് പ്രസിഡന്റുമായ എന്‍.ബാലചന്ദ്രന്‍ നായര്‍, കെ.ഗംഗാധരന്‍ നായര്‍, കെ.രാമകൃഷ്ണന്‍ നായര്‍, കരിച്ചേരി നാരായണന്‍ നായര്‍, കരിച്ചേരി മധു, കരിച്ചേരി ദാമോദരന്‍ നായര്‍, കെ.ബാലകൃഷ്ണന്‍ നായര്‍ എന്നിവര്‍ അറിയിച്ചു.