ബദിയടുക്ക: നാടന്‍ പശുക്കളെ വളര്‍ത്തുന്ന ബജകൂഡ്‌ലു അമൃതധാര ഗോശാലയില്‍ വ്യാഴാഴ്‌ച്ച രാത്രി ഗോപാഷ്ടമിയോടനുബന്ധിച്ച് ഗോപൂജയും, സഹസ്രദീപോത്സവവും നടന്നു. ഭഗവാന്‍ ശ്രീകൃഷ്ണന്‍ ഗോവര്‍ധന പര്‍വതം ഉയര്‍ത്തി പിടിച്ച് ഗോപാലകരെയും, ഗോക്കളെയും രക്ഷപ്പെടുത്തിയ ദിനത്തെയാണ് ഗോപാഷ്ടമിയായി ആഘോഷിക്കുന്നത്. ബജക്കൂഡ്‌ലുവില്‍ നാടന്‍ പശുക്കളെ ചാണകം കൊണ്ട് ഭഗവാന്‍ ശ്രീകൃഷ്ണനെ ആരാധിച്ചു. ഗോപൂജയും നടന്നു.
ചടങ്ങില്‍ ത്രിതല തെരഞ്ഞെടുപ്പില്‍ വിജയികളായ എണ്‍മകജെ പഞ്ചായത്ത് പ്രസിഡന്റ് രൂപവാണി ആര്‍.ഭട്ട്, ജില്ലാ പഞ്ചായത്തംഗം പുഷ്പ്പാ അമെക്കള, ബ്ലോക്ക് പഞ്ചായത്തംഗം സത്യശങ്കര ഭട്ട്, ഗ്രാമ പഞ്ചായത്തംഗങ്ങളായ ആയിഷാ.എ.എ, ഉദയ ചെട്ടിയാര്‍, സിദ്ദീഖ്, സതീഷ് കുലാല്‍ നല്‍ക്ക തുടങ്ങിയവരെ ഡോ. വൈ.വി.കൃഷ്ണമൂര്‍ത്തി, ആദരിച്ചു. ഹിന്ദു ഐക്യവേദി സംസ്ഥാന വൈസ് പ്രസിഡന്റ് രവീശ തന്ത്രി കുണ്ടാര്‍ സംസാരിച്ചു. ബി.ജി.രാമ ഭട്ട് അധ്യക്ഷത വഹിച്ചു. കേശവ പ്രസാദ് സ്വാഗതവും ശ്രീധര ഭട്ട് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: