സ്വകാര്യ ബസ്സ് നിയന്ത്രണംവിട്ട് മരത്തിലിടിച്ച് ഒരാള്‍ മരിച്ചു; മുപ്പതോളം പേര്‍ക്ക് പരുക്കേറ്റു

താമരശ്ശേരി: താമരശ്ശേരിക്കടുത്ത് തച്ചംപൊയില്‍ സ്വകാര്യ ബസ്സ് നിയന്ത്രണംവിട്ട് മരത്തിലിടിച്ച് ഒരാള്‍ മരിച്ചു. മുപ്പതോളം പേര്‍ക്ക് പരുക്കേറ്റു.എകരൂല്‍ വള്ളിയോത്ത് കണ്ണോറകുഴിയില്‍ അയമ്മദിന്റെ ഭാര്യ മറിയ(60)ആണ് മരിച്ചത്. ഇന്നലെ രാവിലെ 11 മണിയോടെയാണ് അപകടം. താമരശ്ശേരി- കൊയിലാണ്ടി റൂട്ടിലോടുന്ന എ ബി ടി ബസ്സാണ് അപകടത്തില്‍ പെട്ടത്. താമരശ്ശേരിയിലേക്ക് വരുന്ന ബസ്സിന്റെ മുന്നില്‍ പാതയോരത്തെ മരത്തിന്റെ ഉണങ്ങിയ കൊമ്പ് വീണതിനെതുടര്‍ന്ന് പെട്ടെന്ന് വെട്ടിച്ചതാണ് അപകട കാരണമെന്ന് നാട്ടുകാര്‍ പറഞ്ഞു. നിയന്ത്രണം വിട്ട ബസ്സ് മരത്തില്‍ ഇടിച്ചു നില്‍ക്കുകയായിരുന്നു. പരിക്കേറ്റവരെ നാട്ടുകാരും പോലീസും ചേര്‍ന്ന് താമരശ്ശേരി താലൂക്കാശുപത്രിയില്‍ എത്തിച്ച ശേഷം പ്രഥമ ശുശ്രൂഷ നല്‍കി കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.ബസ്സ് ഡ്രൈവര്‍ കൊയിലാണ്ടി കൈതവളപ്പില്‍ സത്യന്‍(49)അവിടനലൂര്‍ വിനീത്(22),കൂടത്തായി ദില്‍ഷ(19)മുചുകുന്ന് ജയപ്രകാശ്(31),എളേറ്റില്‍ അബ്ദുല്‍ ഖാദര്‍(58),തേക്കും തോട്ടം ഷബ്‌ന(35),കല്ലാച്ചുകണ്ടി ആമിന (60),മേപ്പയില്‍ ഷിബു (43),മേപ്പയില്‍ പുഷ്പവല്ലി(63),തേക്കും തോട്ടം ജസീറ(28)നസ് വ(ഒന്നര)കൊട്ടാരക്കോത്ത് സീതലക്ഷ്മി(31),കൊല്ലരുകുന്ന് നഫീസ (52)പാലങ്ങാട് ഇസ്മായില്‍(41),പൂനൂര്‍ മുഹമ്മദലി(58),പൂനൂര്‍ അബൂബക്കര്‍(68),കൊട്ടാരക്കോത്ത് രാജന്‍(35)മന്ദരത്തൂര്‍ രാമചന്ദ്രന്‍ (49)എകരൂല്‍ നഫീസ(24),വീര്യമ്പ്രം രവീന്ദ്രന്‍(65),കട്ടിപ്പാറ അബ്ദുറഹിമാന്‍(55),കട്ടിപ്പാറ ഷബ്‌ന(35),ഗുഡല്ലൂര്‍ വിമല (43),ബംഗാള്‍ സ്വദേശിയായ നസറുദ്ധീന്‍(23),അരിക്കുളം സുകുമാരന്‍(48),മേലൂര്‍ ശ്രീകുമാര്‍(45),വിവേക് കോളനി പുഷ്പ (50),പേരാമ്പ്ര വല്‍സല (58),നടേരി ധര്‍മ്മദത്തന്‍(60)അടിവാരം പാത്തുമ്മ(60) എന്നിവര്‍ക്കാണ് പരിക്കേറ്റത്. അപകടത്തെ തുടര്‍ന്ന് രണ്ട് മണിക്കൂറോളം താമരശ്ശേരി – കൊയിലാണ്ടി സംസ്ഥാനപാതയില്‍ ഗതാഗതം തടസ്സപ്പെട്ടു. മുക്കം,.നരിക്കുനി എന്നിവിടങ്ങളില്‍ നിന്നുള്ള ഫയര്‍ഫോഴ്‌സും താമരശ്ശേരി , ബാലുശ്ശേരി പോലീസും നാട്ടുകാരും ചേര്‍ന്നാണ് രക്ഷാപ്രവര്‍ത്തനം നടത്തിയത്.