കണ്ണൂര്: പൊലീസും നഗരസഭയും ചേര്ന്ന് സ്ത്രീസുരക്ഷക്കായി സ്ഥാപിച്ച സുരക്ഷാ ബട്ടണ് പ്രവര്ത്തന ക്ഷമമാകാത്തത് വനിതാ കമ്മീഷന് ഫുള്ബെഞ്ചില് ചര്ച്ച ചെയ്യുമെന്ന് അംഗം അഡ്വ.നൂര്ബിന റഷീദ് പറഞ്ഞു. കലക്ടറേറ്റ് കോണ്ഫറന്സ് ഹാളില് നടന്ന സിറ്റിങ്ങില് 62 കേസുകള് പരിഗണിച്ചു. 37 എണ്ണം തീര്പ്പായി. 12 എണ്ണം പൊലീസ് റിപ്പോര്ട്ടിനുമായി വിട്ടു.
വസ്തു തര്ക്കങ്ങളായിരുന്നു കൂടുതലും വന്നത്. ഭര്ത്താവിന് മാനസിക പ്രയാസമുണ്ടാക്കുന്നത് തനിക്കും പ്രയാസമുണ്ടാക്കുന്നു എന്ന രീതിയില് നേരിട്ടല്ലാതെയുളള പരാതികളില് കമ്മീഷന് ഇടപെടുന്നതില് പരിമിതിയുണ്ട്. പരാതിക്കാരി വനിതകളായതുകൊണ്ടുമാത്രം എല്ലാ പരാതികളും കമ്മീഷനില് കൊണ്ടുവരുന്നത് ശരിയല്ല. പരാതിക്കാരിയുടെ പരാതി സ്വീകരിക്കാത്തതിനെതിരെ എഎസ്ഐക്കെതിരെ 2 തവണ നോട്ടീസ് അയച്ചിട്ടും ഹാജരാകാത്തതിനാല് കേസ് ഫുള്ബെഞ്ചിന് വിട്ടു. വിദേശത്തുളളവര്ക്കെതിരെയുളള പരാതികളില് അവരെ വിളിച്ചുവരുത്താന് കമ്മീഷന് അധികാരമില്ലെന്നും അവര് പറഞ്ഞു.
അഭിഭാഷകരായ കെ.ഷാജഹാന്, ഒ.കെ.പത്മപ്രിയ, അനില് റാണി, പൊലീസുദ്യോഗസ്ഥര് എന്നിവര് സിറ്റിങ്ങില് പങ്കെടുത്തു. അടുത്ത സിറ്റിംഗ് ഡിസംബര് 13 ന് നടക്കും.
