കൊച്ചി: കൊച്ചിയിലെ യഹൂദസ്മാരകങ്ങള് സംരക്ഷിക്കാന് ഇസ്രായേല് കോണ്സുലേറ്റ് ജനറലിലെ കോണ്സുലറും ഡപ്യൂട്ടി ചീഫ് ഓഫ് മിഷനുമായ ഝീവ് ഷാല്വിയും സാംസ്കാരികമന്ത്രി കെ.സി.ജോസഫുമായി കൂടിക്കാഴ്ചയില് ധാരണയായി. 2,500 വര്ഷം മുമ്പ് യഹൂദര് കൊച്ചിയിലെത്തിയതും ഇവിടുത്തെ സാമൂഹിക സാംസ്കാരിക വാണിജ്യമണ്ഡലങ്ങളില് അവര് നടത്തിയ ഇടപെടലുകളും മറ്റും അദ്ദേഹം വിശദമായി മന്ത്രിയെ ധരിപ്പിച്ചു. പ്രധാനമായും യഹൂദ സ്മാരകങ്ങളുടെ ഇന്നത്തെ അവസ്ഥയാണ് ചര്ച്ചയില് പ്രധാന വിഷയമായത്.
എറണാകുളത്തെ സിമിത്തേരി സ്മാരകമായി സംരക്ഷിക്കുന്നതിനുള്ള നടപടിയുടെ ഭാഗമായി നവീകരണപ്രവര്ത്തനങ്ങള്ക്കാവശ്യമായ രൂപരേഖ തയ്യാറാക്കാന് പുരാരേഖ വകുപ്പധികൃതര്ക്ക് നിര്ദേശം നല്കിയ കാര്യം മന്ത്രി കോണ്സുലേറ്റിനെ അറിയിച്ചു. യഹൂദരുടെ പ്രധാന ആവശ്യങ്ങളടങ്ങിയ ഒരു നിവേദനം അസോസിയേഷന് മന്ത്രിക്ക് കൈമാറി. യഹൂദചരിത്രമടങ്ങിയ ഒരു പുസ്തകം ഝീവും മന്ത്രിക്കു സമ്മാനിച്ചു.
കേരളത്തില് ഇന്ന് 42 പേരാണ് യഹൂദവംശത്തില് ബാക്കിയുള്ളത്. ഇതില് മട്ടാഞ്ചേരിയില് അഞ്ചു കുടുംബവും എറണാകുളത്തും മറ്റുമായി 11 കുടുംബവുമാണുള്ളത്. അഖില കേരള ജ്യൂയിഷ് അസോസിയേഷന് പ്രസിഡന്റ് സാം എബ്രഹാം, സെക്രട്ടറി ഡോ.സൂസി ഏലിയാസ്, ഹൈബി ഈഡന് എംഎല്എ എന്നിവരും ചര്ച്ചയില് പങ്കെടുത്തു.
