കൊല്ലം: ഗ്രാമപഞ്ചായത്ത് പ്രസിഡന്റ് തെരഞ്ഞെടുപ്പില് ജില്ലയില് ബിജെപി ഒരുസ്ഥലത്തും ഒരു മുന്നണിയേയും പിന്തുണക്കില്ലെന്ന് ജില്ലാ പ്രസിഡന്റ് എം.സുനില്. പാര്ട്ടി സ്ഥാനാര്ഥികള് മത്സരിച്ചതും വിജയിച്ചതും രണ്ട് മുന്നണികള്ക്കുമെതിരെ പോരാടിയാണ്. രണ്ട് മുന്നണികള്ക്കുമെതിരെ ബിജെപി എടുത്ത നിലപാടുകള്ക്കുള്ള അംഗീകാരമായിട്ടാണ് ജനങ്ങള് ബിജെപിക്ക് വോട്ട് ചെയ്തത്. ഇടതുവലത് മുന്നണികളോട് ഒരേ സമീപനമാണ് ബിജെപിക്കുള്ളത്. കോണ്ഗ്രസ് കമ്മ്യൂണിസ്റ്റ് മുക്ത ജില്ല എന്ന മുദ്രാവാക്യമാണ് ബിജെപിയുടെത്. ജില്ലയിലെ 68 പഞ്ചായത്തുകളില് 39 പഞ്ചായത്തുകളില് നിന്ന് പ്രാതിനിധ്യം ഉണ്ട്. ഇതില് മത്സരിക്കാന് സാധിക്കുന്ന പഞ്ചായത്തുകളില് പ്രസിഡന്റ് സ്ഥാനങ്ങളിലേക്ക് മത്സരിക്കും. ആലപ്പാട്, തഴവ, ഇളമ്പള്ളൂര്, പെരിനാട്, കല്ലുവാതുക്കല്, ആദിച്ചനല്ലൂര്, നെടുവത്തൂര്, പോരുവഴി എന്നീ പഞ്ചായത്തുകളിലും പരവൂര് മുന്സിപ്പല് ചെയര്മാന് സ്ഥാനത്തേക്കും ബിജെപി മത്സരിക്കും. പ്രസിഡന്റ് സ്ഥാനത്തേക്ക് മത്സരിക്കേണ്ടതുമായി ബന്ധപ്പെട്ട നിലപാടുകള് സ്വീകരിക്കുന്നതിന് അതാത് പഞ്ചായത്തുകളില് തെരഞ്ഞെടുക്കപ്പെട്ട ജനപ്രതിനിധികളുടെയും പഞ്ചായത്ത്’ഭാരവഹികള് ഉപരി പ്രവര്ത്തകരുടെയും യോഗം ഇന്നു കൂടും. യോഗങ്ങളില് ജില്ല കോര് കമ്മറ്റി അംഗങ്ങളും മണ്ഡലം പ്രഭാരിമാരും പങ്കെടുക്കും. മത്സരിക്കാന് സാധിക്കാത്ത മറ്റു പഞ്ചായത്തുകളില് ആരെയും പിന്തുണക്കാതെ വിട്ടുനില്ക്കുമെന്നും എം.സുനില് അറിയിച്ചു.
പഞ്ചായത്ത് പ്രസിഡന്റ് തെരഞ്ഞെടുപ്പില് ബിജെപി മത്സരിക്കും: എം.സുനില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.