അക്ഷയശ്രീ അവാര്‍ഡിന് അപേക്ഷിക്കാം

ആലപ്പുഴ: സരോജിനി – ദാമോദരന്‍ ഫൗണ്ടേഷന്‍ ജൈവകൃഷി പ്രോത്സാഹിപ്പിക്കുന്നതിനായി ഏര്‍പ്പെടുത്തിയിട്ടുള്ള ഏഴാമത് അക്ഷയശ്രീ അവാര്‍ഡിനുള്ള അപേക്ഷ ക്ഷണിച്ചു. സംസ്ഥാന തലത്തില്‍ ഏറ്റവും നല്ല ജൈവ കര്‍ഷകന് 55,555 രൂപയും ജില്ലാതലത്തില്‍ ആലപ്പുഴ, കോട്ടയം, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, കണ്ണൂര്‍, കാസര്‍കോഡ്, വയനാട്, ഇടുക്കി എന്നീ 11 ജില്ലകളിലെ മികച്ച ജൈവകര്‍ഷകന് 11,111 രൂപ വീതവും പ്രശസ്തിപത്രവും അടങ്ങുന്നതാണ് അവാര്‍ഡ്. കൂടാതെ 3,333 രൂപ വീതം നല്കുന്ന 20 പ്രോത്സാഹന സമ്മാനവും ഉണ്ടായിരിക്കും. അവാര്‍ഡുവിതരണം അടുത്ത മാര്‍ച്ച് 13ന് മുഹമ്മ ഗൗരീനന്ദനം ഓഡിറ്റോറിയത്തില്‍ നടക്കും. ഡിസംബര്‍ 20നു മുമ്പായി അപേക്ഷ ലഭിക്കണം. മൂന്നു വര്‍ഷത്തിനുമേല്‍ പൂര്‍ണമായും ജൈവഭക്ഷണ കൃഷി ചെയ്യുന്ന കൃഷിക്കാരെയാണ് അവാര്‍ഡിനായി പരിഗണിക്കുന്നത്. വെള്ളക്കടലാസില്‍ കൃഷിരീതിയുടെ ലഘു വിവരവും വീട്ടിലെത്തിച്ചേരാനുള്ള വഴിയും ഫോണ്‍നമ്പരും ജില്ലയും എഴുതണം. അപേക്ഷ അയയ്‌ക്കേണ്ട വിലാസം: കെ.വി. ദയാല്‍, ശ്രീകോവില്‍, മുഹമ്മ പിഒ, ആലപ്പുഴ- 688525. ഫോണ്‍: 9447114526.