കോഴിക്കോട്: ആവേശത്തിന്റെ അലകടലുയര് ത്തിയതായിരുന്നു തദ്ദേശ തെരഞ്ഞെടുപ്പില് വിജയിച്ച ബിജെപി പ്രതിനിധികള്ക്കുള്ള സ്വീകരണ സമ്മേളനം. വാദ്യഘോഷങ്ങളുടെ താളത്തിനൊപ്പിച്ച് നൃത്തം ചവിട്ടി ആയിരങ്ങള് അണിനിരന്ന റാലിയാണ് ഇന്നലെ മുതലക്കുളം കണ്ടത്. അഴിമതിയുടെ നരകാസുരഭരണത്തിന് അറുതി വരുത്തിയെന്ന പ്രഖ്യാപനവുമായി നവദീപാവലിയാഘോഷമായിരുന്നു ഇന്നലെ മുതലക്കുളത്തുണ്ടായത്. ഇരു മുന്നണികളും വഞ്ചനാപരമായ അവിശുദ്ധ കൂട്ടുകെട്ടിലൂടെ ബിജെപിയെ പരാജയപ്പെടുത്താന് ശ്രമിച്ചിട്ടും വിജയം കൊയ്തവര്ക്കുള്ള ആവേശകരമായ സ്വീകരണം കപട മുന്നണികള്ക്കുള്ള താക്കീതായി മാറുകയായിരുന്നു. ആവേശത്തിന്റെയും ആഹ്ലാദത്തിന്റെയും കൊടുമുടികളിലേക്കുയര്ന്ന് ഹരിതകുങ്കുമ പതാക വീശി വോട്ടര്മാര്ക്ക് അഭിവാദ്യം അര്പ്പിച്ചുകൊണ്ടായിരുന്നു ബേപ്പൂരില് നിന്നും പാറോപ്പടിയില് നിന്നുമുള്ള വാഹനറാലികള് നഗരം താണ്ടിയത്.
ഇരുമുന്നണികളും കട്ടുമുടിച്ച നഗരഭരണത്തിന് അറുതിയായെന്ന മുന്നറിയിപ്പാണ് റാലിയില് മുഴങ്ങിക്കേട്ടത്. പൊതുമുതല് തിന്നും തീറ്റിച്ചും കഴിഞ്ഞ അരനൂറ്റാണ്ടുകാലം കോര്പ്പറേഷനില് നിറഞ്ഞ അഴിമതിക്ക് അറുതി വരുത്താന് സപ്താത്ഭുതങ്ങളായി കൗണ്സിലില് ബിജെപി പ്രതിനിധികള് എത്തിയെന്ന വിളംബരമായി മാറി റാലി.
ആഹ്ലാദത്തിന്റെ പൂത്തി രികളും ആവേശത്തിന്റെ മാലപ്പടക്കങ്ങളും അരങ്ങുതീര്ത്ത മുതലക്കുളം മൈതാനത്ത് പാറോപ്പടിയില് നിന്നാരംഭിച്ച വാഹന റാലി സമാപിച്ചതോടെ സ്വീകരണ സമ്മേളനം ആരംഭിച്ചു. തുറന്ന വാഹനത്തില് ഇ. പ്രശാന്ത്കുമാര്, നവ്യ ഹരിദാസ്, ജിഷ ഗിരീഷ് എന്നിവര് വോട്ടര്മാര്ക്ക് അഭിവാദ്യമര്പ്പിച്ചു. വഴി നീളെ സ്വീകരണങ്ങള് ഏറ്റുവാങ്ങി ഒന്നര മണിക്കൂര് വൈകിയാണ് ബേപ്പൂരില് നിന്നുള്ള റാലി സമ്മേളന നഗരിയിലെത്തിയത്. തുറന്ന വാഹനങ്ങളില് നഗര ജനതക്ക് അഭിവാദ്യമര്പ്പിച്ചുകൊണ്ട് ജനപ്രതിനിധികള് വോട്ടര്മാര്ക്ക് നന്ദി അറിയിച്ചു. ഒപ്പം നഗര ഭരണം ശുദ്ധീകരിക്കുമെന്ന ഉറപ്പും.
കോഴിക്കോട് കോര്പ്പറേഷന് കൗണ്സിലര്മാരായി തെരഞ്ഞെടുക്കപ്പെട്ട ജിഷ ഗിരീഷ്, നവ്യ ഹരിദാസ്, ഇ.പ്രശാന്ത്കുമാര്,
സതീഷ്കുമാര്, പൊന്നത്ത് ഷൈമ, അനില്കുമാര്, നമ്പിടി നാരായണന് എന്നിവര് തുറന്ന വാഹനങ്ങളില് ജനങ്ങളെ അഭിവാദ്യം ചെയ്യുന്നു
