ന്യൂദല്ഹി: വിവിധ അടിസ്ഥാനസൗകര്യ വികസന മേഖലയിലെ പ്രവര്ത്തനങ്ങള് പ്രധാനമന്ത്രി നരേന്ദ്ര മോദി അവലോകനം ചെയ്തു. 62 നിര്ണ്ണായക അടിസ്ഥാനസൗകര്യ വികസന പദ്ധതികളില് നല്ല പുരോഗതി കൈവരിക്കാന് സാധിച്ചിട്ടുണ്ടെന്ന് അവലോകന യോഗത്തില് പ്രധാനമന്ത്രിയെ അറിയിച്ചു. വൈദ്യുതി കടന്നു ചെല്ലാത്ത ഗ്രാമങ്ങളില് 1000 ദിവസങ്ങള്ക്കുള്ളില് വൈദ്യുതി എത്തിക്കുകയെന്ന കേന്ദ്ര ഗവണ്മെന്റ് വാഗ്ദാനം നടപ്പാക്കാന് ആവശ്യമായ പ്രവര്ത്തനങ്ങളെപ്പറ്റിയും പ്രധാനമന്ത്രിയെ ധരിപ്പിച്ചു.
2022 വര്ഷത്തോടെ എല്ലാ ഗ്രാമങ്ങളെയും ബ്രോഡ്ബാന്ഡ് വഴി ബന്ധിപ്പിക്കാനുള്ള പദ്ധതിയില് കൈവരിച്ച പുരോഗതിയും യോഗത്തില് ചര്ച്ച ചെയ്തു. പാരമ്പര്യേതര ഊര്ജ്ജം, പൈപ്പ് വഴിയുള്ള പ്രകൃതി വാതകം, ജലസേചനം, റോഡുകള്, റെയില്വേ എന്നീ മേഖലയിലെ പ്രവര്ത്തനങ്ങളിലെ പുരോഗതിയും പ്രധാനമന്ത്രി വിലയിരുത്തി. നിതി ആയോഗ് വൈസ് ചെയര്മാന് അരവിന്ദ് പനഗാരിയ, പ്രധാനമന്ത്രി കാര്യാലയം, നിതി ആയോഗ്, വിവിധ മന്ത്രാലയങ്ങള് എന്നിവിടങ്ങളിലെ മുതിര്ന്ന ഉദ്യോഗസ്ഥര് തുടങ്ങിയവര് യോഗത്തില് പങ്കെടുത്തു.
