ന്യൂദല്ഹി: ദുര്വ്യാഖ്യാനം ചെയ്യാന് സാധ്യതയുള്ള പ്രസ്താവനകള് കേന്ദ്രമന്ത്രിമാര് ഒഴിവാക്കണമെന്ന് കേന്ദ്രആഭ്യന്തരമന്ത്രി രാജ്നാഥ്സിങ്. പ്രസ്താവനകളും പ്രസംഗങ്ങളും നടത്തുമ്പോള് അതീവ ശ്രദ്ധ പുലര്ത്തണമെന്നും രാജ്നാഥ്സിങ് പറഞ്ഞു.
പ്രസ്താവനകള് വളച്ചൊടിച്ചതാണെന്നോ ദുര്വ്യാഖ്യാനം ചെയ്തതാണെന്നോ ഉള്ള മറുപടികള് നല്കി നമുക്ക് വിഷയത്തില് നിന്നും മാറിനില്ക്കാനാവില്ലെന്ന് എല്ലാവരും ഓര്ക്കണം.
നമ്മുടെ കാഴ്ചപ്പാടുകള് പ്രകടിപ്പിക്കുമ്പോള് അതീവ ജാഗ്രത ആവശ്യമാണ്. തെറ്റായ രീതിയില് വ്യാഖ്യാനിക്കാന് ഇടവരുത്തുന്ന യാതൊരു പരാമര്ശങ്ങളും മന്ത്രിമാര് നടത്തരുത്. ഇക്കാര്യം എല്ലാവരും ഉറപ്പുവരുത്തണം. ഭരിക്കുന്ന പാര്ട്ടിയുടെ നേതാക്കളെന്ന നിലയില് പ്രസംഗങ്ങളിലും പ്രസ്താവനകളിലും കൂടുതല് ജാഗ്രത ആവശ്യമാണ്, രാജ്നാഥ്സിങ് പറഞ്ഞു. കേന്ദ്രവിദേശകാര്യസഹമന്ത്രി വി.കെ സിങ്, ആഭ്യന്തര സഹമന്ത്രി കിരണ് കുമാര് റിജ്ജു എന്നിവര് നടത്തിയ പ്രസ്താവനകളെപ്പറ്റി അവര് വിശദീകരണം നല്കിയിട്ടുണ്ട്.
കേന്ദ്രമന്ത്രിസഭയിലെ അംഗങ്ങളെല്ലാവരും ഓര്ക്കേണ്ട കാര്യം നമ്മള് ഭരിക്കുന്ന പാര്ട്ടിയുടെ ഭാഗമാണെന്നും ജനങ്ങളോട് നമുക്ക് ഉത്തരവാദിത്വമുണ്ടെന്നുമാകണം. സര്ക്കാരിന്റെ ഭാഗമാണെന്ന കാര്യം മറന്നുപോകരുത്. രാജ്യത്തെ ജനങ്ങള്ക്ക് നമ്മെപ്പറ്റി നിരവധി പ്രതീക്ഷകളുണ്ട്. എന്തെങ്കിലും പറയുമ്പോള് വലിയ നിയന്ത്രണം വച്ചുപുലര്ത്തുക തന്നെ വേണം, രാജ്നാഥ്സിങ് പറഞ്ഞു.
