ഓതറ: പഴയകാവ് ശ്രീകൃഷ്ണസ്വാമി ക്ഷേത്രത്തിലെ പ തിനാലാമത് ഭാഗവത സപ്താഹയജ്ഞം 26മുതല്‍ നവംബര്‍ ഒന്നുവരെ നടക്കും. ദേവപ്രശ്‌ന പരിഹാരക്രിയകളുടെ ഭാഗമായി നിര്‍മ്മിച്ച തിടപ്പള്ളിയുടെ സമര്‍പ്പണം 25ന് വൈകിട്ട് അഞ്ചിന് തന്ത്രി കണ്ഠരര് രാജീവരുടെ മുഖ്യകാര്‍മ്മികത്വത്തില്‍ നടക്കും.
26ന് രാവിലെ ഏഴിന് യജ്ഞശാലയില്‍ ഭദ്രദീപ പ്രതിഷ്ഠ നടത്തും. തന്ത്രി കണ്ഠരര് രാജീവര് മേല്‍ശാന്തി മൃത്യുഞ്ജയന്‍ നമ്പൂതിരി എന്നിവരുടെ കാര്‍മ്മികത്വത്തില്‍ നടക്കുന്ന ഭദ്രദീപ പ്രതിഷ്ഠയ്‌ക്ക് ശേഷം ഭാഗതപാരായണം ആരംഭിക്കും. യജ്ഞാചാര്യന്‍ ചെങ്ങന്നൂര്‍ ജയപ്രകാശ് ദിവസേന ഭാഗവത കഥാപ്രഭാഷണം നടത്തും. ശൂരനാട് ശശിധരന്‍, മാവേലിക്കരജയന്‍ എന്നിവരാണ് പാരായണക്കാര്‍. 29ന് വിദ്യാ ഗോപാലാര്‍ച്ചനയും 30ന് രുഗ്മീണി സ്വയംവരവും സര്‍വ്വൈശ്വര്യപൂജയും 31ന് നാരങ്ങാവിളക്ക് പൂജയും നടക്കും. നവംബര്‍ 4ന് തുലാമാസ ആയില്യം പൂജയുടെ ഭാഗമായി നൂറുംപാലും വഴിപാടും നടക്കും.
പ്രതികരിക്കാൻ ഇവിടെ എഴുതുക: