എരുമേലി: പാര്ട്ടി വളര്ത്താന് നൂറുകണക്കിന് പ്രതിയോഗികളെ കൊന്നൊടുക്കിയ പാര്ട്ടി കൊലയാളി സംഘങ്ങളെ സംരക്ഷിക്കുകയും അവരെ സ്ഥാനാര്ത്ഥികളാക്കുകയും ചെയ്യുന്ന സിപിഎമ്മിന് എസ്എന്ഡിപിയെ വിമര്ശിക്കാന് അവകാശമില്ലെന്ന് എസ്എന് ഡിപി യോഗം എരുമേലി യൂണിയന് സെക്രട്ടറി ശ്രീകുമാര് ശ്രീപാദം പറഞ്ഞു. എസ് എന്ഡിപി അംഗങ്ങളുടെ സംരക്ഷണത്തിനും ജീവിത നിലവാരം മെച്ചപ്പെടുത്തുന്നതിനും ആരംഭിച്ച മൈക്രോ ഫിനാന്സ് പദ്ധതിയില് അഴിമതിയുണ്ടെന്ന സിപിഎം നേതാക്കളുടെ ആരോപണത്തിനെതിരെ എരുമേലിയില് നടത്തിയ വനിതാ സംഘത്തിന്റെ പ്രതിഷേധ റാലിയില് സംസാരിക്കുകയായിരുന്നു അദ്ദേഹം.
സിപിഎമ്മില് നിലവിലുളള സംസ്ഥാന നേതാക്കള് പോലും നിരവധി കൊലപാതക കേസുകളില് പ്രതിയായിട്ടും അത്തരം കേസുകള് മൂടിവെച്ചാണ് എസ്എന്ഡിപി യോഗം ജനറല് സെക്രട്ടറി വെളളാപ്പളളി നടേശനെ കൊലപാതകിയായി ആക്ഷേപിക്കുന്നത്. സംസ്ഥാനം കണ്ട ഏറ്റവും വലിയ അഴിമതിയായ മൂവായിരം കോടി രൂപയുടെ എസ്എന്സി ലാവ്ലിന് അഴിമതി അടക്കം ചെറുതും വലുതുമായ ലക്ഷങ്ങളുടെ അഴിമതി നടത്തുന്ന സിപിഎം നേതാക്കളാണ് യോഗം സെക്രട്ടറിക്കെതിരെ അഴിമതി ആരോപണവുമായി രംഗത്തു വന്നിരിക്കുന്നത് അപഹാസ്യമാണെന്നും ശ്രീപാദം ശ്രീകുമാര് പറഞ്ഞു. സംസ്ഥാനത്തുടനീളം കോടിക്കണക്കിന് രൂപയുടെ കൈമാറ്റം രഹസ്യമായും പരസ്യമായും നടത്തിയിട്ടും അതിനെതിരെ അന്വേഷണം നടത്താതെ മൈക്രോ ഫിനാന്സിനെതിരെ നടത്തുന്ന ഈ നീക്കം എസ്എന്ഡിപി അടക്കമുളള പിന്നോക്കക്കാരെ തകര്ക്കാനുളള പദ്ധതിയുടെ ഭാഗമാണെന്നും എരുമേലി ശാഖാ പ്രസിഡന്റ് ബിജി കല്യാണി പറഞ്ഞു.
എസ്എന്ഡിപി നടത്തുന്ന മൈക്രോ ഫിനാന്സ് പദ്ധതിയെ തകര്ക്കാനുളള നീക്കത്തിനെതിരെ എരുമേലി എസ്എന്ഡിപി യൂണിയന് വനിതാ സംഘത്തിന്റെ നേത്യത്വത്തില് എരുമേലിയില് നടന്ന പ്രതിഷേധ റാലിയില് ആയിരത്തോളം സ്ത്രീകള് പങ്കെടുത്തു. എരുമേലി ശാഖാ മന്ദിരത്തില് നിന്നാരംഭിച്ച പ്രതിഷേധ റാലിയുടെ സമാപന സമ്മേളനത്തില് യൂണിയന് സെക്രട്ടറി ശ്രീകുമാര് ശ്രീപാദം, വൈസ് പ്രസിഡന്റ് കെ.ബി ഷാജി, വനിതാ സംഘം പ്രസിഡന്റ് ശ്യാമളാ മോഹന്, സെക്രട്ടറി ജമിനി സജീവ്, ഖജാന്ജി ഓമനാ ബാബു, കെ. സുശീല് കുമാര്, ബിജി കല്യാണി, ജി. വിനോദ്, റ്റി.എസ് പ്രസാദ് തടത്തേല് തുടങ്ങിയവര് പ്രസംഗിച്ചു.
