ചേര്ത്തല/ കണിച്ചുകുളങ്ങര : മൈക്രോ ഫിനാന്സിനെ തകര്ത്ത് ഈഴവ സമുദായത്തെ വീണ്ടും സാമ്പത്തിക ദാരിദ്രത്തിലേയ്ക്ക് തള്ളി വിടാനുള്ള സിപിഎമ്മിന്റെയും പ്രതിപക്ഷ നേതാവിന്റെയും കള്ള പ്രചാര വേലകള്ക്കെതിരെ എസ്എന്ഡിപി യോഗം വനിതാ സംഘം ചേര്ത്തല, കണിച്ചുകുളങ്ങര യൂണിയനുകളുടെ നേതൃത്വത്തില് വന്പ്രതിഷേധ പ്രകടനം നടന്നു. ചേര്ത്തല യൂണിയനില് വൈകിട്ട് അഞ്ചിന് യൂണിയന് ഓഫീസിനു മുന്നില് നിന്ന് ആരംഭിച്ച പ്രകടനം കെഎസ്ആര്ടിസി ബസ്റ്റാന്റു വഴിദേവീക്ഷേത്രത്തിനു മുന്നില് സമാപിച്ചു. വനിതാസംഘം ചേര്ത്തല യൂണിയന് പ്രസിഡന്റ് പ്രസിഡന്റ് പ്രൊഫ. ഷേര്ളി പ്രേംകുമാര്, വൈസ് പ്രസിഡന്റ് രേണുക മനോഹരന്,സെക്രട്ടറി തുളസിഭായി വിശ്വനാഥന്,ട്രഷറര് ശോഭിനി എന്നിവര് നേതൃത്വം നല്കി. തുടര്ന്ന് നടന്ന പ്രതിഷേധ യോഗം എസ്എന്ഡിപി യോഗം ചേര്ത്തല യൂണിയന് കണ്വീനര് കെ.കെ. മഹേശന് ഉദ്ഘാടനം ചെയ്തു. തുളസിഭായി വിശ്വനാഥന് അദ്ധ്യക്ഷത വഹിച്ചു. പ്രൊഫ. ഷേര്ളി പ്രേംകുമാര്, രേണുക മനോഹരന്, യൂത്ത്മൂവ്മെന്റ് ചേര്ത്തല യൂണിയന് കണ്വീനര് പി. ജയകുമാര് എന്നിവര് സംസാരിച്ചു.
കണിച്ചുകുളങ്ങര യൂണിയനിലും വന് പ്രതിഷേധ പ്രകടനം നടന്നു. കണിച്ചുകുളങ്ങര യൂണിയന് പ്രസിഡന്റ് വി.എം.പുരുഷോത്തമന് ഫ്ലാഗ് ഒഫ് ചെയ്തു.കണിച്ചുകുളങ്ങര ക്ഷേത്രത്തിനു സമീപത്തു നിന്നും ആരംഭിച്ച പ്രതിഷേധ പ്രകടനം കണിച്ചുകുളങ്ങര ചന്തവഴി റെയില്വെ ക്രോസിന് സമീപം സമാപിച്ചു.നൂറുകണിന് വനിതകളാണ് പ്രതിഷേധത്തില് അണി ചേര്ന്നത്. വനിതാസംഘം കണിച്ചുകുളങ്ങര യൂണിയന് പ്രസിഡന്റ് പുരുഷാമണി,സെക്രട്ടറി തങ്കമണി ഗൗതമന്,രജനി മഹേശന്,സുനിത മണിക്കുട്ടന്,പ്രതിഭ,പ്രീതി ജയറാം,ശ്രീലത,സുമ വിശ്വംഭരന്,സുമ ഗോപന്,മംഗളാമ്മ എന്നിവര് നേതൃത്വം നല്കി. തുടര്ന്ന് നടന്ന പ്രതിഷേധ യോഗം എസ്.എന്.ഡി.പി യോഗം കൗണ്സിലര് പി.എസ്.എന്.ബാബു ഉദ്ഘാടനം ചെയ്തു. യോഗം ഡയറക്ടര് ബോര്ഡ് അംഗം കെ.കെ.പുരുഷോത്തമന്,യൂണിയന് വൈസ് പ്രസിഡന്റ് പി.കെ.ധനേശന് പൊഴിക്കല്,സെക്രട്ടറി കെ.കെ.മഹേശന്,യൂത്ത്മൂവ്മെന്റ് യൂണിയന് പ്രസിഡന്റ് എസ്.രാജേഷ്,തങ്കമണി ഗൗതമന് എന്നിവര് സംസാരിച്ചു
