തൊടുപുഴ: മലയാളം മീഡിയം ക്ലാസ്സുകളില്‍ പഠിക്കുന്ന കുട്ടികള്‍ക്ക് വൈകല്യമില്ലാതെ ഇംഗ്ലീഷ് സംസാരിക്കാനും, വായിക്കാനും, വേണ്ടി കുമാരമംഗലം മലയാറ്റില്‍ കേശവന്‍ നായര്‍ മെമ്മോറിയല്‍ ഹയര്‍സെക്കന്‍ഡറി സ്‌കൂളില്‍ ഇംഗ്ലീഷ് ലാംഗ്വേജ് ലാബ് പ്രവര്‍ത്തനമാരംഭിച്ചു. ജില്ലാ വിദ്യാഭ്യാസ ഓഫീസിലെ ബ്ലോക്ക് പ്രോഗ്രാം ഓഫീസര്‍ എ എം നസീര്‍ ലാബ് ഉദ്ഘാടനം ചെയ്തു.വിഷ്വല്‍ മള്‍ട്ടിമീഡിയ എന്ന സ്ഥാപനത്തിന്റെ സഹകരണത്തോടെയാണ് ലാബ് ഇവിടെ തുടങ്ങിയിട്ടുള്ളത്. ഏകദേശം 2000 മണിക്കൂര്‍ ദൈര്‍ഘ്യമുള്ള പാഠഭാഗങ്ങളാണ് ഇതില്‍ സജ്ജമാക്കിയിട്ടുള്ളത്. കുട്ടികള്‍ ഇവിടെ പഠിക്കുന്ന കാലയളവില്‍ തന്നെ 3 മുതല്‍ 5 വരെ വര്‍ഷങ്ങള്‍ കൊണ്ട് ഈ കോഴ്‌സ് പൂര്‍ത്തിയാക്കുവാന്‍ കഴിയുംവിധമാണ് പാഠ്യസമയം ക്രമീകരിച്ചിരിക്കുന്നത്. സ്‌കൂള്‍ വിദ്യാര്‍ത്ഥിനി കുമാരി കീര്‍ത്തന ഹരി സ്വാഗതം ആശംസിച്ചു. ഹെഡ്മിസ്ട്രസ്സ് വിജയലക്ഷ്മി മുഖ്യ പ്രഭാഷണം നടത്തി. സ്‌കൂള്‍ മാനേജര്‍ ആര്‍.കെ ദാസ് ആശംസയര്‍പ്പിച്ചു. വിദ്യാര്‍ത്ഥിനി സീതാലക്ഷ്മി നന്ദി പ്രകാശിപ്പിച്ചു.
Friday, December 27, 2024
കുമാരമംഗലം സ്‌കൂളില്‍ ഇംഗ്ലീഷ് ലാംഗ്വേജ് ലാബ്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: