പൂച്ചാക്കല്:തദ്ദേശസ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പില് ആലപ്പുഴ ജില്ലയുടെ രാഷ്ട്രീയ ചരിത്രം മാറുമെന്ന് ബിജെപി സംസ്ഥാന ജനറല് സെക്രട്ടറി എ.എന്. രാധാകൃഷ്ണന് പറഞ്ഞു. ബിജെപി അരൂര് നിയോജക മണ്ഡലം സംഘടിപ്പിച്ച പഠന ശിബിരം പൂച്ചാക്കലില് ഉദ്ഘാടനം ചെയ്യുകയായിരുന്നു അദ്ദേഹം. കോണ്ഗ്രസും കമ്മ്യുണിസ്റ്റ് പ്രസ്ഥാനങ്ങളും ജനങ്ങളോടും സാമൂദായിക സംഘടനകളോടും കാണിക്കുന്ന അവഗണന രാഷ്ട്രീയ മേഖലയില് വലിയ മാറ്റമുണ്ടാക്കിയിട്ടുണ്ട്. സംസ്ഥാനത്ത് തെരഞ്ഞെടുപ്പുകളില് സാമൂദായിക സംഘടനകളെ തെറ്റിദ്ധരിപ്പിച്ചാണ് ഇടതു-വലതു പ്രസ്ഥാനങ്ങള് വോട്ടു നേടുന്നത്. സാമുദായിക സംഘടനകളെ ബിജെപി ഒരിക്കലും അവഗണിച്ചിട്ടില്ലെന്നും ബിജെപിയുടെ പ്രവര്ത്തനം ജനഹൃദയങ്ങളില് സ്ഥാനം പിടിച്ചുവെന്നും അദ്ദേഹം പറഞ്ഞു.
നിയോജക മണ്ഡലം പ്രസിഡന്റ് ടി. സജീവ് ലാല് അധ്യക്ഷത വഹിച്ചു. ജില്ലാ പ്രസിഡന്റ് വെള്ളിയാകുളം പരമേശ്വരന് മുഖ്യപ്രഭാഷണം നടത്തി. ജില്ലാജനറല് സെക്രട്ടറി കൊട്ടാരം ഉണ്ണികൃഷ്ണന്, ജില്ലാ വൈസ് പ്രസിഡന്റ് സാനു സുധീന്ദ്രന്, ജില്ലാസെക്രട്ടറി അമ്പിളി മധു, നിയോജക മണ്ഡലം സെക്രട്ടറിമാരായ പെരുമ്പളം ജയകുമാര്, അഡ്വ. ബി. ബാലാനന്ദ്, കര്ഷകമോര്ച്ച ജില്ലാ പ്രസിഡന്റ് എം. വി. രാമചന്ദ്രന്, ന്യുനപക്ഷമോര്ച്ച ജില്ലാപ്രസിഡന്റ് എബ്രഹാം മാത്യു തുടങ്ങിയവര് പങ്കെടുത്തു.
