ചേര്ത്തല: ഉദ്ഘാടനത്തിന് ഫഌഗ് ഓഫ് ചെയ്ത കെഎസ്ആര്ടിസി ബസ് ആദ്യസര്വീസ് നടത്തുമ്പോള് തന്നെ കേടായി. അറ്റകുറ്റപ്പണികള്ക്ക് ശേഷം പുറത്തിറക്കിയ ബസ് മറ്റ് റൂട്ടിലേക്ക് മാറ്റുകയും ചെയ്തു. ചേര്ത്തല ഡിപ്പോയില് നിന്ന് കോട്ടയത്തേക്ക് ആരംഭിച്ച ആദ്യ ഫാസ്റ്റ് പാസഞ്ചര് ബസാണ് കൈപ്പുഴമുട്ടിന് സമീപം തകരാറിലായത്. കോട്ടയം റൂട്ടിലേക്കുള്ള ആദ്യ ഫാസ്റ്റ് ബസുമായിരുന്നിത്. എന്നാല് തകരാര് പരിഹരിച്ച ശേഷം ഇതേ ബസ് ആലപ്പുഴ റൂട്ടിലേക്ക് മാറ്റിയതാണ് യാത്രക്കാരുടെ പ്രതിഷേധത്തിന് കാരണമായത്. നിലവില് കോട്ടയം ഭാഗത്തേക്ക് ഇരുത്തിയഞ്ചോളം സ്വകാര്യ ബസുകളും പത്തോളം കെഎസ്ആര്ടിസി ബസുകളുമാണ് സര്വീസ് നടത്തുന്നത്. സ്വകാര്യ ബസ് ഉടമകളെ സഹായിക്കും വിധമാണ് കെഎസ്ആര്ടിസി സര്വീസ് നടത്തുന്നതെന്ന് നേരത്തെ ആക്ഷേപമുള്ളതാണ്. കഴിഞ്ഞ ദിവസം ഇതേ റൂട്ടില് കെഎസ്ആര്ടിസി ആദ്യമായി ഫാസ്റ്റ് ബസ് ആരംഭിച്ചത് യാത്രക്കാര് ഏറെ പ്രതീക്ഷയോടെയാണ് എതിരേറ്റത്. സ്ഥിരം യാത്രക്കാര്ക്ക് സമയലാഭവും കിട്ടുമായിരുന്നു.കോട്ടയം റൂട്ടിലെ ഫാസ്റ്റ് ബസ് സര്വീസ് മാറ്റിയതു സംബന്ധിച്ച പരാതി ശ്രദ്ധയില്പ്പെട്ടിട്ടുണ്ടെന്നും പരിഹാര നടപടികളുണ്ടാകുമെന്ന് എടിഒ പി.വി.രാജീവ് പറഞ്ഞു.
ഉദ്ഘാടനത്തിന് ഫഌഗ് ഓഫ് ചെയ്ത ബസ് ആദ്യസര്വീസില് തന്നെ പണിമുടക്കി
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.