തുറവൂര്: ഏഴാം ക്ലാസുകാരിയായ പട്ടികജാതി പെണ്കുട്ടിയെ പീഡിപ്പിക്കാന് ശ്രമിച്ചതായി പരാതി. പ്രതിക്കായി പോലീസ് തിരച്ചില് ഊര്ജിതമാക്കി. എന്സിസി കവല സ്വദേശി ഷാനവാസിനെയാണ് ചേര്ത്തല ഡിവൈഎസ്പി എന്.എന് പ്രസാദിന്റെ നേതൃത്വത്തിലുള്ള സംഘം അന്വേഷിക്കുന്നത്. കഴിഞ്ഞ ദിവസം എന്സിസി കവലയ്ക്കു പടിഞ്ഞാറെ ഭാഗത്തെ കടയില് വൈകീട്ട് നാലിനായിരുന്നു കേസിനാസ്പദമായ സംഭവം നടന്നത്. ഷാനവാസിന്റെ ഉടമസ്ഥതയിലുള്ള കടയില് സാധനം വാങ്ങാനെത്തിയതായിരുന്നു പെണ്കുട്ടി. കടയുടെ മുന്ഭാഗത്തെ രണ്ടു പലകകള് മാത്രമാണ് തുറന്നിരുന്നത്. കടയിലെത്തിയ പെണ്കുട്ടിയെ കടന്നു പിടിക്കുകയും അകത്തേക്ക് വലിച്ചുകയറ്റാന് ശ്രമിക്കുകയും ചെയ്തു. കുട്ടി കരഞ്ഞുകൊണ്ട് വീട്ടിലേക്കോടി. ബന്ധുക്കള് വിവരം തിരക്കിയപ്പോഴാണ് കുട്ടി കാര്യം പറയുന്നത്. ഉടന് തന്നെ ബന്ധുക്കള് എത്തിയെങ്കിലും കട അടഞ്ഞുകിടന്നിരുന്നു. പെണ്കുട്ടിയുടെ ബന്ധുക്കളുടെ പരാതിയുടെ അടിസ്ഥാനത്തില് കുത്തിയതോട് പോലീസ് കേസ് രജിസ്റ്റര് ചെയ്തു. പട്ടികജാതി പീഡന നിരോധന നിയമം, കുട്ടികള്ക്കെതിരെയുള്ള ലൈംഗികാതിക്രമം തടയല്, പൊതുസ്ഥലത്തുവച്ച് അപമാനിക്കല് എന്നിങ്ങനെ ജാമ്യം കിട്ടാത്ത വകുപ്പുകളില്പ്പെടുത്തിയാണ് കേസ് ചാര്ജ് ചെയ്തിരിക്കുന്നതെന്ന് പോലീസ് പറയുന്നു.
പട്ടികജാതി പെണ്കുട്ടിയെ പീഡിപ്പിക്കാന് ശ്രമിച്ചതായി പരാതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.