ന്യൂദല്ഹി: ബോളിവുഡ് മെഗാ സ്റ്റാര് അമിതാഭ് ബച്ചന് പാചകവാതക സബ്സിഡി ഉപേക്ഷിച്ചു. രാജ്യത്ത് എല്പിജി വില ഉയരുന്ന സാഹചര്യത്തില് സമൂഹത്തില് ഉയര്ന്ന ജീവിത സാഹചര്യത്തില് ഉള്ളവര് പാചകവാതക സബ്സിഡി ഉപേക്ഷിക്കണമെന്ന പ്രധാനമന്ത്രിയുടെ ആഹ്വാനത്തെത്തുടര്ന്നാണ് ഇത്തരമൊരു മൂവ്മെന്റിന് തുടക്കമായത്.
അമിതാഭിനെപ്പോലെയുള്ള പ്രമുഖ വ്യക്തി ഇത്തരമൊരു പരിപാടിയുടെ ഭാഗമായതിനാല് അത് മറ്റുള്ളവര്ക്കും പ്രചോദനമാകുമെന്നും ലക്ഷക്കണക്കിന് വരുന്ന നിര്ധന കുടുംബങ്ങളിലേക്ക് എല്പിജി എത്തിക്കാന് ഇതിലൂടെ സാധിക്കുമെന്നും പെട്രോളിയം മന്ത്രി ധര്മേന്ദ്ര പ്രധാന് പറഞ്ഞു.
പ്രധാനമന്ത്രിയുടെ അഭ്യര്ത്ഥന മാനിച്ച് ഇതുവരെ 3 മില്യണ് ആള്ക്കാര് തങ്ങളുടെ എല്പിജി സബ്സിഡി ഉപേക്ഷിച്ചെന്നും മന്ത്രി കൂട്ടിച്ചേര്ത്തു. മാര്ച്ച് 27നായിരുന്നു മോദി ഇതു സംബന്ധിച്ച പ്രസ്താവന നടത്തിയത്. ഇങ്ങനെ ലഭിക്കുന്ന പണം പാവപ്പെട്ടവര്ക്ക് പാചകവാതകം കുറഞ്ഞ വിലക്ക് നല്കാന് ഉപയോഗിക്കുമെന്നും പ്രധാനമന്ത്രി പറഞ്ഞിരുന്നു.
