കോട്ടയം: യാത്രക്കാരെ വലച്ച് കെഎസ്ആര്ടിസി ഒരുവിഭാഗം ജീവനക്കാര് പണിമുടക്കി. യൂണിയന് നേതാക്കളെ അകാരണമായി സസ്പെന്റ് ചെയ്തതില് പ്രതിഷേധിച്ചാണ് സിഐടിയുവിന്റെ ആഭിമുഖ്യത്തിലുള്ള കെഎസ്ആര്ടിഇഎ യൂണിയന്കാര് പണിമുടക്കിയത്. ജില്ലയിലെ ദേശസാല്കൃത റൂട്ടുകളില് ബസ് സര്വ്വീസ് കുറഞ്ഞത് യാത്രക്കാരെ വലച്ചു.
കോട്ടയം തൊടുപുഴ, കോട്ടയം ചെങ്ങന്നൂര്, കോട്ടയം തൃശൂര്, കോട്ടയം- വൈക്കം ചങ്ങനാശേരി ആലപ്പുഴ തുടങ്ങിയ റൂട്ടുകളിലാണു യാത്രാക്ലേശം ഏറെയുണ്ടായത്. പണിമുടക്കിനെ തുടര്ന്ന് കോട്ടയം, വൈക്കം ഡിപ്പോകളിലാണ് കൂടുതല് സര്വിസ് മുടങ്ങിയത്.
കോട്ടയത്തുനിന്ന് 133 സര്വ്വീസുകള് നടത്തേണ്ടിയിടത്ത് കാവാലത്തേക്ക് ഉള്പ്പെടെയുള്ള നാലു ബസ്സുകളാണ് സര്വ്വീസ് നടത്തിയത് മാത്രമാണ് നടത്തിയത്. വൈക്കം ഡിപ്പോയില് നിലവിലുള്ള 50 ല് ആറ് സര്വിസ് നടന്നു. ചങ്ങനാശേരിയില് 35 സര്വിസുകള് മാത്രമാണ് ഓപ്പറേറ്റ് ചെയ്തതെന്ന് സമരാനുകൂലികള് പറഞ്ഞു. സമരാനുകൂലികളുടെ കണക്കനുസരിച്ച് പാലാ എട്ട്, വൈക്കം രണ്ട്, എറണാകുളം 19, ഈരാറ്റുപേട്ട 19, പൊന്കുന്നം 21, എരുമേലി 35 എന്നിങ്ങനെ സര്വിസുകള് നടത്തി. എരുമേലിയില് മുഴുവന് സര്വിസുകളും പാലായില് 50 സര്വിസുകളും ഈരാറ്റുപേട്ടയില് 33 സര്വിസുകളും പൊന്കുന്നത്തു 24 സര്വിസുകളും ഓപ്പറേറ്റ് ചെയ്തതായി അധികൃതര് അറിയിച്ചു. ചങ്ങനാശേരിയില് 73ല് 34 സര്വിസുകളും നടത്തിയതായാണ് അധികൃതരുടെ ഭാഷ്യം. ടയറിന്റെ കാറ്റ് അഴിച്ചുവിട്ടും ടിക്കറ്റ് മെഷീന് ചാര്ജ് ചെയ്യാതെയും ഓഫിസ് പൂട്ടിയിട്ടും ജോലി ചെയ്യാനത്തെിയവരെ തടസ്സപ്പെടുത്തിയും സമരക്കാര് ബസ് സര്വ്വീസ് തടഞ്ഞത് ജോലി ചെയ്യാനെത്തിയ മറ്റ് ജീവനക്കാരേയും ബുദ്ധിമുട്ടിലാക്കി.
