ന്യൂദല്ഹി: കോണ്ഗ്രസുമായി സഖ്യം ചേര്ന്ന് രാംമനോഹര് ലോഹ്യയുടെ പൈതൃകത്തെ നിതീഷ് കുമാറും ലാലു പ്രസാദും കളങ്കപ്പെടുത്തുകയാണെന്ന് അരുണ് ജെയ്റ്റ്ലി പറഞ്ഞു. കാല്നൂറ്റാണ്ടായി സംസ്ഥാനത്ത് ഒരു വികസന പ്രവര്ത്തനങ്ങളും നടത്താത്തവരാണ് ഭരണത്തില് തുടര്ച്ചയാവശ്യപ്പെടുന്നതെന്നും ജെയ്റ്റ്ലി കുറ്റപ്പെടുത്തി. ലോഹ്യയുടെ സോഷ്യലിസ്റ്റ് രാഷ്ട്രീയം പിന്തുടര്ന്ന് കോണ്ഗ്രസിനെ എതിര്ത്തിരുന്നവര് ഇപ്പോള് കോണ്ഗ്രസുകാര്ക്കൊപ്പം കോണ്ഗ്രസ് ആസ്ഥാനത്ത് പത്രസമ്മേളനത്തിലിരുന്ന് അവകാശവാദം പറയുന്നത് ലജ്ജാകരമാണെന്ന് ജെയ്റ്റ്ലി പറഞ്ഞു.
ലോഹ്യയെ എതിര്ത്തവര് പത്രസമ്മേളനത്തിന് എന്നും എഐസിസി ഓഫീസില് പോകുന്നു. അവര് ലോഹ്യയുടെ പൈതൃകംതന്നെ ഇല്ലാതാക്കുകയാണ്. യുവമോര്ച്ചയുടെ പഞ്ചക്രാന്തി അഭിയാന് ഉദ്ഘാടനം ചെയ്യുകയായിരുന്നു ജെയ്റ്റ്ലി.
അടുത്തിടെ ബീഹാറില് നടന്ന മഹാസഖ്യ റാലിയില് കോണ്ഗ്രസ് അദ്ധ്യക്ഷ സോണിയക്ക് സദസ്സിനെ പിടിച്ചിരുത്താനുള്ള പ്രസംഗം നടത്തുന്ന റോളായിരുന്നുവെന്ന് ജെയ്റ്റ്ലി പരിഹസിച്ചു. ബീഹാറിലെ വികസനത്തെക്കുറിച്ചു ചര്ച്ചചെയ്യാന് പ്രധാനമന്ത്രിയെ വെല്ലുവിളിക്കുന്ന നിതീഷ് കുമാര് ലോകബാങ്കിറക്കിയ സംസ്ഥാനങ്ങളുടെ വികസന റിപ്പോര്ട്ടില് ഗുജറാത്തിന് ഒന്നാം സ്ഥാനവും ബീഹാറിന് 21-ാം സ്ഥാനവും നല്കിയതോടെ അക്കാര്യം പറയുന്നില്ലെന്നും ജെയ്റ്റ്ലി പറഞ്ഞു.
നിതീഷ്ജി എന്താണു ചര്ച്ചചെയ്യാനുള്ളത്. വികസനക്കാര്യത്തിലാണെങ്കില് ചര്ച്ചചെയ്യാനിനി ഒന്നുമില്ല. ഗുജറാത്ത് ഒന്നാം സ്ഥാനത്തും ബീഹാര് 21-ാം സ്ഥാനത്തുമാണ്. സാമ്പത്തിക നില സ്ഥിതിവിവരക്കണക്കിലൂടെയാണ് അല്ലാതെ ചര്ച്ചകളിലൂടെയല്ല വിലയിരുത്തേണ്ടത്, ജെയ്റ്റ്ലി ചൂണ്ടിക്കാട്ടി.ബീഹാറില് ഞങ്ങള് വിജയിക്കും. ലോക്സഭയില് സംഭവിച്ചതെന്തോ അത് സംഭിക്കും, ജെയ്റ്റ്ലി പറഞ്ഞു.
