കോട്ടയം: നാട്ടകം ഗവ. പോളിടെക്നിക് കോളേജ് പുതിയ വികസനത്തിലേക്ക് ചുവടുവയ്ക്കുന്നു. മൂന്നു നിലകളിലായി 18 ക്ലാസ് മുറികളും അനുബന്ധ സൗകര്യങ്ങളും ഉള്ക്കൊള്ളുന്ന പുതിയ അക്കാദമിക് ബ്ലോക്ക്, പുതിയ കാന്റീന് കെട്ടിടം, യുണിെറ്റൈഡ്സ് സബ് സ്റ്റേഷന്, ആധുനിക സൗകര്യങ്ങളോടുകൂടിയ ഫിറ്റ്നസ് സെന്റര് എന്നിവ നിര്മ്മിക്കുന്നു. ഇവയുടെ ശിലാസ്ഥാപനവും നിര്മ്മാണോദ്ഘാടനവും 18ന് നടക്കും. അഞ്ചരക്കോടി രൂപ മുടക്കിയാണ് അക്കാദമിക് ബ്ലോക്ക് നിര്മ്മിക്കുന്നത്. 50 ലക്ഷം രൂപ യൂണിറ്റൈഡ്സ് സബ് സ്റ്റേഷന് കാന്റീന് കെട്ടിടത്തിന് 28 ലക്ഷം രൂപയും ഫിറ്റ്നസ് സെന്ററിന് 20 ലക്ഷം രൂപയും ചെലവാകും. ഇവയുടെ നിര്മ്മാണോദ്ഘാടനത്തിനോടൊപ്പം പോളിടെക്നിക് കോളേജിനു മുന്നില് പുതിയതായി പണിതീര്ത്ത വിശാലമായ പാര്ക്കിംഗ് ഏരിയയുടെ ഉദ്ഘാടനവും നടക്കും.
18ന് വൈകിട്ട് 4ന് കോളേജ് അങ്കണത്തിലാണ് ശിലാസ്ഥാപന ഉദ്ഘാടന ചടങ്ങുകള്. മന്ത്രി തിരുവഞ്ചൂര് രാധാകൃഷ്ണന് അദ്ധ്യക്ഷത വഹിക്കും. സമ്മേളനം മന്ത്രി പി.കെ. അബ്ദുറബ്ബ് ഉദ്ഘാടനം ചെയ്യും. ജോസ് കെ. മാണി എംപി മുഖ്യപ്രഭാഷണം നടത്തു. പുതിയ അക്കാദമിക് ബ്ലോക്കിന്റെ ശിലാസ്ഥാപനം മന്ത്രി പി.കെ. അബ്ദുറബ്ബ് നിര്വ്വഹിക്കും. പാര്ക്കിംഗ് ഏരിയായുടെ ഉദ്ഘാടനവും യൂണിറ്റൈസ്ഡ് സബ്സ്റ്റേഷന്റെ നിര്മ്മാണ ഉദ്ഘാടനവും മന്ത്രി തിരുവഞ്ചൂര് രാധാകൃഷ്ണന് നിര്വ്വഹിക്കും. കാന്റീന് ബില്ഡിംഗ് ശിലാസ്ഥാപനം ജോസ് കെ. മാണി എംപി നിര്വ്വഹിക്കും. ഫിറ്റ്നസ് സെന്ററിന്റെ ശിലാസ്ഥാപനം കോട്ടയം നഗരസഭാ അദ്ധ്യക്ഷന് കെ.ആര്,.ജി. വാര്യര് നിര്വ്വഹിക്കും. റ്റി. സാമുവല് മാത്യു, സാബു എബ്രഹാം, പ്രൊഫ. കെ. വിദ്യാസാഗര്, ടിനോ കെ. തോമസ്, ദീപാമോള്, രവി ഡി.സി., മുരളീധരന് കെ., പ്രവീണ്കുമാര് പി., വിനീഷ് പി.ജെ., പ്രിന്സിപ്പാള് റ്റി. സജി എന്നിവര് സംസാരിക്കും.
