എരുമേലി: വീടിനു സമീപത്തുളള ഓലിയില് കുളിക്കാനെത്തിയ മധ്യവയ്സ്ക്കയായ വീട്ടമ്മയെ ക്രൂരമായി പീഡിപ്പിച്ച നിലയില് കണ്ടെത്തി. തിങ്കളാഴ്ച ഉച്ചകഴിഞ്ഞ് എരുമേലിക്കടുത്തായിരുന്നു സംഭവം. ഓലിയില് കുളിച്ചു കൊണ്ടിരിക്കെ അതുവഴി എത്തിയ യുവാവ് വീട്ടമ്മയെ കടന്നു പിടിക്കുകയായിരുന്നുവെന്ന് നാട്ടുകാര് പറയുന്നു. എതിര്ക്കാന് ശ്രമിക്കുന്നതിനിടെ ബഹളം വെച്ച വീട്ടമ്മയുടെ വായില് തുണി തിരുകുകയും വനത്തിലേക്ക് വലിച്ചു കൊണ്ടു പോവുകയായിരുന്നുവെന്നും നാട്ടുകാര് പറഞ്ഞു. ക്രൂരമായ മര്ദ്ദനത്തെ തുടര്ന്ന് വായില് തിരുകിയ തുണി എടുത്ത് കൈകള് കെട്ടിയതിനു ശേഷമായിരുന്നു യുവാവ് പീഡിപ്പിച്ചതെന്നും നാട്ടുകാര് പറഞ്ഞു. ഓലിയില് കുളിക്കാനെത്തിയ നാട്ടുകാരാണ് പീഡനത്തിരയായ വീട്ടമ്മയെ അബോധാവസ്ഥയില് കണ്ടെത്തിയത്. നാട്ടുകാര് കാഞ്ഞിരപ്പളളി ജനറല് ആശുപത്രിയില് എത്തിച്ചെങ്കിലും പരിക്ക് ഗുരുതരമായതിനാല് കോട്ടയം മെഡിക്കല് കോളേജിലേക്ക് പ്രവേശിപ്പിക്കുകയായിരുന്നു. സംഭവമറിഞ്ഞെത്തിയ നാട്ടുകാര് നടത്തിയ അന്വേഷണത്തിനിടെ വീട്ടമ്മയെ പീഡിപ്പിച്ചുവെന്ന് പറയുന്ന യുവാവിന് സമീപത്തുളള ടൗണില് വെച്ച് മര്ദ്ദനമേറ്റതായും പറയുന്നു. എന്നാല് വീട്ടമ്മയെ പീഡിപ്പിച്ച സംഭവവുമായി ബന്ധപ്പെട്ട് പ്രതിയെ അറസ്റ്റു ചെയ്തതടക്കമുളള നടപടികളില് പോലീസ് തികഞ്ഞ അനാസ്ഥയാണ് കാട്ടിയതെന്നും നാട്ടുകാര് പറഞ്ഞു. പിടിയിലായ യുവാവ് മറ്റൊരു കേസില് ജാമ്യത്തില് ഇറങ്ങിയതാണെന്നും നാട്ടുകാര് പറഞ്ഞു. പ്രതിയെ സംബന്ധിച്ച് വ്യക്തമായ സൂചന പോലീസിന് ലഭിച്ചിട്ടും അയല്വാസിയായ യുവാവിനെ അറസ്റ്റു ചെയ്യാത്തതില് വ്യാപക പ്രതിഷേധമാണ് മേഖലയില് ഉയര്ന്നിരിക്കുന്നത്. മദ്യത്തിന്റെയും കഞ്ചാവ് അടക്കമുളള ലഹരിയുടെയും സിരാകേന്ദ്രമായ ഇവിടെ പോലീസ് പരിശോധന കര്ശനമാക്കണമെന്നും നാട്ടുകാര് ആവശ്യപ്പെട്ടു.
സാമൂഹ്യ വിരുദ്ധരുടെ അഴിഞ്ഞാട്ടവും വീട്ടമ്മയെ പീഡിപ്പിച്ചതിലും പ്രതിഷേധിച്ച് പൗരസമിതിയുടെ നേത്യത്വത്തില് ഇന്നലെ വൈകിട്ട് പ്രതിഷേധ പ്രകടനവും നടത്തി.
