പാലാ: വരാന്പോകുന്ന തെരഞ്ഞെടുപ്പുകള് മുന്നില് കണ്ട് രാഷ്ട്രീയ സമ്മര്ദ്ദ ശക്തിയാകാന് കത്തോലിക്കാസഭ വീണ്ടും രംഗത്തിറങ്ങുന്നു. കത്തോലിക്കാ കോണ്ഗ്രസിന്റെ പേരില് പാലായില് അല്മായ മഹാസമ്മേളനവും റാലിയില് സംഘടിപ്പിച്ചുകൊണ്ടാണ് സഭ രാഷ്ട്രീയ വിലപേശലിന് ഒരുങ്ങുന്നത്. സഭയുടെ കേരളത്തിലെ പരമാധികാരി മേജര് ആര്ച്ച് ബിഷപ്പ് കര്ദ്ദിനാള് മാര് ജോര്ജ്ജ് ആലഞ്ചേരിയുടെ പ്രത്യേക താല്പര്യപ്രകാരമാണ് സമ്മേളനം നടത്തിയത്. സഭയുടെ ശക്തി കേന്ദ്രമായ പാലാതന്നെ ആത്മായ മഹാസമ്മേളനത്തിന് വേദിയാകുമെന്നത് രാഷ്ട്രീയ ലക്ഷ്യത്തിന്റെ വിളംബരംകൂടിയായിരുന്നു.
ഗാഡ്ഗില്, കസ്തുരി രംഗന് റിപ്പോര്ട്ടുകള്ക്കെതിരേവരെ നേതൃത്വം നല്കിയയ പ്രക്ഷോഭങ്ങള്ക്ക് രാഷ്ട്രീയ നേതൃത്വങ്ങളെ ഓര്മ്മിപ്പിച്ചുകൊണ്ടാണ് സമ്മേളനം നടത്തിയത്.
കേന്ദ്ര-സംസ്ഥാന സര്ക്കാരുകളുടെ കര്ഷക അവഗണന, റബറിന്റെ വിലയിടിവ്, തീവ്ര മത നിലപാടുകള് ദേശീയ തലത്തിലും അന്തര്ദേശീയ തലത്തിലും ഉയര്ത്തുന്ന ഭീഷണികള് , വിദ്യാഭ്യാസ മേഖല അഭിമുഖീകരിക്കുന്ന പ്രശ്നങ്ങള്, ന്യൂനപക്ഷാവകാശങ്ങളോടും അവയുടെ സംരക്ഷണത്തോടുമുള്ള എതിര്പ്പുകള് തുടങ്ങി സഭാവിശ്വാസികളെ വൈകാരികമായി ചൂഷണം ചെയ്തും തീവ്രമത വികാരം ഉളക്കിവിട്ടുംകൊണ്ടുമാണ് വിശ്വാസികളെ സമ്മേളനത്തില് പങ്കെടുപ്പിച്ചത്.
