കോട്ടയം: ട്രെയിനില് യുവതിയെ അപമാനിക്കാന് ശ്രമം. യുവതിയെ അപമാനിക്കാന് ശ്രമിച്ച കോഴിക്കോട് സ്വദേശി റമീസിനെ ആര്പിഎഫുകാര് പിടികൂടി റെയില്വേ പോലീസിന് കൈമാറി. ഇന്നലെ തിരുവനന്തപുരത്തേയ്ക്ക് പൊയ്ക്കൊണ്ടിരുന്ന ചെന്നൈ മെയില് സൂപ്പര് എക്സ്പ്രസ്സിലാണ് യുവതിയെ റമീസ് അപമാനിക്കാന് ശ്രമിച്ചത്. കായംകുളത്തേക്ക് യാത്ര ചെയ്തിരുന്ന ചേപ്പാട് സ്വദേശിനിയോട് ഇയാള് എറണാകുളം മുതലേ മോശമായി പെരുമാറാന് തുടങ്ങിയിരുന്നു. ശല്യം സഹിക്കാതെ വന്ന യുവതി ആര്പിഎഫിനെ വിവരമറിയിച്ചു. ഉച്ചയോടെ ട്രെയിന് കോട്ടയത്ത് എത്തിയപ്പോള് ഇയാളെ ആര്പിഎഫുകാര് കസ്റ്റഡിയില് എടുത്തു. തുടര്ന്ന് റമീസ് ആര്പിഎഫ് കാരുടെ പക്കല് നിന്നും ഓടി രക്ഷപെടാന് ശ്രമിച്ചു. ഇയാളെ ആര്പിഎഫ്കാര് പിന്തുടര്ന്ന് പിടികൂടിയാണ് റെയില്വേ പോലീസിന് കൈമാറിയത്. ഇയാള് രക്ഷപെടാന് ശ്രമിക്കുന്നതിനിടെ തോമസ് ജോസഫ് എന്ന ആര്പിഎഫുകാരനെ തള്ളിയിട്ടു. വീഴ്ച്ചയില് തോമസ് ജോസഫിന് പരിക്കേല്ക്കുകയും ചെയ്തു. റെയില്വേ പോലീസ് തുടര് നടപടികള് സ്വീകരിച്ച ശേഷം ഇയാളെ വൈകിട്ട് കോടതിയില് ഹാജരാക്കി.
ട്രെയിനില് യുവതിയെ അപമാനിക്കാന് ശ്രമം: ഒരാള് പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.