കോട്ടയം: മണ്ണിനും മനസ്സിനും പുണ്യം വിതറിജില്ലയിലെ വീഥികള് ഉണ്ണിക്കണ്ണന്മാര് കയ്യടക്കി. ജില്ലയില് 1600 ല് അധികം ശോഭായാത്രകളില് പതിനായിരക്കണക്കിന് കുട്ടികള് രാധാകൃഷ്ണ വേഷധാരികളായി അണിനിരന്നു. നിശ്ചല ദൃശ്യങ്ങളും, വാദ്യമേളങ്ങളും, നാമ സങ്കീര്ത്തനങ്ങളും ശോഭായാത്രയ്ക്ക് മിഴിവേകി.കൃഷ്ണവേഷത്തിലെത്തിയ പിഞ്ചുകുഞ്ഞുങ്ങളുടെ കുസൃതികള് മനുഷ്യമനസുകളില് കൃഷ്ണലീലകളുടെ സ്മരണപുതുക്കിയ ധന്യ നിമിഷങ്ങള് സമ്മാനിച്ചു.
കോട്ടയം നഗരത്തില് നടന്ന മഹാശോഭായാത്ര ജില്ലാ അസി കളക്ടര് ഡോ.ദിവ്യ എസ്.അയ്യര് ഉദ്ഘാടനം ചെയ്തു. ബാലഗോകുലം ജില്ലാ പ്രസിഡന്റ് ഡോ. ഇ.വി. കൃഷ്ണന് നമ്പൂതിരി അദ്ധ്യക്ഷതവഹിച്ചു. മുന്സിപ്പല് ചെയര്മാന് കെആര്ജി വാര്യര് സ്വീകരണം നല്കി. മേഖലാ കാര്യദര്ശി ബിജു കൊല്ലപ്പള്ളി സന്ദേശം നല്കി. സ്വാഗതസംഘം വര്ക്കിംഗ് പ്രസിഡന്റ് ആത്മജവര്മ്മ, ആര്എസ്എസ് പ്രാന്തീയ കാര്യകാരിസദസ്യന് അഡ്വ.ശങ്കര്റാം, വിഭാഗ് സംഘചാലക് എം.എസ്.പത്മനാഭന്, വിഭാഗ് സഹകാര്യവാഹക് സി.ശശികുമാര്, ബാലഗോകുലം മേഖലാ കാര്യദര്ശി പി.സി.ഗീരീഷ്, ബി.അജിത്ത് കുമാര്, അഞ്ജു സതീശന്, മുട്ടമ്പലം മധു, ബിജെപി നേതാക്കളായ ഏറ്റുമാനൂര് രാധാകൃഷ്ണന്, പി.കെ.രവീന്ദ്രന്, ടി.എന്.ഹരികുമാര്, സി.എന്.സുഭാഷ് തുടങ്ങിയവര് നേതൃത്വം നല്കി
പുതുപ്പള്ളിയില് ആര്എസ്എസ് ജില്ലാ കാര്യവാഹക് ആര്.രാജീവും , വാകത്താനത്ത് ജില്ലാ സംഘചാലക് കേരളവര്മ്മയും സന്ദേശം നല്കി. പള്ളിക്കതോട്ടില് നടന്ന മഹാശോഭായാത്ര ബാലഗോകുലം സംസ്ഥാന നിര്വ്വാഹക സമിതിയംഗം പ്രൊഫ.സി.എന്.പുരുഷോത്തമനും ചങ്ങനാശ്ശേരിയില് ആര്എസ്എസ് വിഭാഗ് ബൗദ്ധിക് പ്രമുഖ് ബാലകൃഷ്ണന്മാസ്റ്റര് സന്ദേശം നല്കി. പി.എസ്.മധുസൂദനന് ഉദ്ഘാടനം ചെയ്തു.
വൈക്കത്ത് കെപിഎംഎസ് പ്രസിഡന്റ് നീലകണ്ഠന്മാസ്റ്റര് ഉദ്ഘാടനം ചെയ്തു. ആര്എസ്എസ് ജില്ലാ ബൗദ്ധിക്ക് പ്രമുഖ് സോമശേഖരന് സന്ദേശം നല്കി. വെള്ളൂരില് നടന്ന ശോഭായാത്രയില് എം.ജി. യൂണിവേഴ്സിറ്റി സിന്ഡിക്കേറ്റംഗം പ്രൊഫ.ഇന്ദു സന്ദേശം നല്കി. പൊന്കുന്നത്ത് ടൗണില് ബാലഗോകുലം ജില്ലാ പ്രസിഡന്റ് ടി.ജി.മോഹന്ദാസ് ഉദ്ഘാടനം ചെയ്തു. പാലായില് സംസ്ഥാന ഭഗിനി പ്രമുഖ് സുധാകുമാരി ടീച്ചറും എരുമേലിയില് ജില്ലാ കാര്യദര്ശി എം.ആര്.രാജേഷും ഉദ്ഘാടനം ചെയ്തു.
കടുത്തുരുത്തി-വിടിന് ഗോവ്,നാടിന്കാവ്,മണ്ണിനുംമനസ്സിനുംപുണ്യംഎന്ന സന്ദേശവുമായി ബാലഗേകുലം ബാലദിനമായി ആഘോഷിച്ച ശ്രീ കൃഷ്ണജയന്തിക്ക് ഉണ്ണികൃഷ്ണന്മാരും ഗോപികമാരും താള,വാദ്യ,മേളങ്ങളുടെയും നിശ്ചലദൃശ്യങ്ങളുടെയും അകമ്പടിയേടെനാടുംനഗരവിഥികളും കൈയ്യടക്കി
ഞീഴുര് ബാലഗോകുലത്തിന്റ നേത്രത്വത്തില്നടത്തിയ ശോഭയാത്രയില്നൂറ് കണക്കിന് ഉണ്ണിക്കണ്ണന്മാരും ഗോപികമാരും പങ്കടുത്തു കൃഷ്ണനാമ ജപത്താല് ഗ്രാമ വിഥികള് ഭക്തിനിര്ഭരമായി. പെരുവ അവര്മ്മ മഹാ ഗണപതിക്ഷേത്രം, കുന്നപ്പളളി ഭഗവതിക്ഷേത്രം, ചടയന്കാവ് പഞ്ചമുര്ത്തിക്ഷേത്രം, വടുകുന്നപ്പുഴ,ഗുരുദേവക്ഷേത്രം,എന്നിവിടങ്ങളില്നിന്നുളള ശോഭയത്ര പെരുവ ജംഗഷനില് എത്തിചേര്ന്നു. ആഘോഷത്തോടനുബന്ധിച്ച് ശോഭയാത്ര, ഉറിയടി, മധുരവിതരണം എന്നിവ നടന്നു.വണ്ടന്പതാല്, പത്തുസെന്റ്, വേങ്ങകുന്ന്, അമ്പലംപടി, പാര്ത്ഥസാരഥി ക്ഷേത്രം, റിബേറ്റ്പടി, ചെളിക്കുഴി, നെന്മേനി, പാറേമ്പലം, എന്നീ സ്ഥലങ്ങളില് നിന്നുമുള്ള കോസ് വേ കവലയില് സംഗമിച്ച് എസ്എന്ഡിപി ഗുരുദേവപുരം കവലയില് എത്തി. വെള്ളനാടി, മുറിക്കലുംപുറം, പൈങ്ങണ, 31മൈല് എന്നിവിടങ്ങളില് നിന്നുമുള്ള ശോഭയാത്രകളുമായി സംഗമിച്ച് മഹാശോഭയാത്രയായി പാര്ത്ഥ സാരഥി ക്ഷേത്രാംങ്കണത്തിലെത്തി. തുടര്ന്ന് ഉറിയടി, അവല്പൊതി വിതരണം, ദീപാരധാന, ജന്മാഷ്ടമിപൂജ എന്നിവ നടന്നു.
വൈക്കം: വര്ദ്ധിച്ചു വരുന്ന ഭീകരതയും,വര്ഗതയും,മതചിന്തയും,അസമത്വവും തുടച്ചുമാറ്റണമെങ്കില് ശ്രീകൃഷ്ണഭഗവാന് മാതൃകയായി കാണിച്ച ജീവിത രീതി നാം പിന്തുടരണമെന്ന് കെ.പി.എം.എസ് സംസ്ഥാന പ്രസിഡന്റ് എന്.കെ.നീലകണ്ഠന് മാസ്റ്റര് പറഞ്ഞു.ബാലഗോകുലത്തിന്റെ ആഭിമുഖ്യത്തില് വൈക്കത്ത് നടത്തിയ ശോഭായത്ര ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
പാലായില് മീനച്ചില് താലൂക്കില് ബാലഗോകുംലാംഗങ്ങളുടേയും വിവിധ ഹൈന്ദവ സംഘടനകളുടേയും നേതൃത്വത്തില് 150 കേന്ദ്രങ്ങളില് നിന്ന് ശോഭായാത്രകള് നടന്നു. വിവിധ സ്ഥലങ്ങളില് നിന്നുള്ള ശോഭായാത്രകള് സംഗമിച്ച് പാലാ, ഭരണങ്ങാനം, മീനച്ചില്, മേമട, കിടങ്ങൂര്, വെള്ളിയേപ്പള്ളി, വള്ളിച്ചീറ, വലവൂര്, പിഴക്, പുലിയന്നൂര്, നീലൂര്, കുമ്മണ്ണൂര് എന്നിവിടങ്ങളില് മഹാശോഭയാത്രകളും നടന്നു.
രാമപുരം അമ്പലം ജംഗ്ഷനില് നിന്ന് ആരംഭിച്ച ശോഭായാത്രയില് കൃഷ്ണനും രാധയുമായി വേഷം ധരിച്ച് നൂറുകണക്കിന് ബാലികാബാലന്മാന് പങ്കെടുത്തു. ശോഭായാത്ര രാമപുരം ടൗണ് ചുറ്റി അമ്പലം ജംഗ്ഷനില് സമാപിച്ചു.
ചങ്ങനാശ്ശേരിയില് വിവിധ ക്ഷേത്രങ്ങളില് നിന്നും ആരംഭിച്ച ശോഭായാത്ര ട്രാഫിക്ക് ജംഗ്ഷനില് സംഗമിച്ച് നഗരസഭാ സ്റ്റേഡിയത്തിലേക്ക് മഹാശോഭായാത്രയായി നീങ്ങി. പെരുന്ന ശ്രീ സുബ്രഹ്മണ്യ സ്വാമി ക്ഷേത്രം , ളായിക്കാട് ഗുരുമന്ദിരം, പുഴവാള സന്താനഗോപാല മൂര്ത്തീ ക്ഷേത്രം, പെരുന്ന കിഴക്ക് തിരുമല ക്ഷേത്രം, പൂവംകക്കാട്ടുകടവ് വാഴപ്പള്ളി അമ്മന്കോവില്, മഞ്ചാടിക്കര ശ്രീ രാജരാജേശ്വരി ക്ഷേത്രം, വട്ടപ്പള്ളി ഭഗവതി ക്ഷേത്രം, പാറാല് വെട്ടിത്തുരുത്ത് അര്ത്തില് ശ്രീ ദുര്ഗ്ഗാക്ഷേത്രം, ദുര്ഗ്ഗാപുരി എന്നിവിടങ്ങളില് നിന്നും ആരംഭിച്ച ശോഭായാത്രകള് മുന്സിപ്പല് സ്റ്റേഡിയത്തില് സംഗമിച്ചു. ബാലഗോകുലം മേഖലാ ഉപാദ്ധ്യക്ഷന് വി.എസ്.മധുസൂദനന് ജന്മാഷ്ടമി സന്ദേശം നല്കി.
