മാവേലിക്കര: ശ്രീകൃഷ്ണജയന്തി ബാലദിനാഘോഷത്തിന്റെ ഭാഗമായി ഉയര്ത്തിയിരുന്ന പതാകകള് നശിപ്പിച്ച സംഭവത്തില് മൂന്ന് ഡിവൈഎഫ്ഐക്കാര് അറസ്റ്റില്. അറനൂറ്റിമംഗലം കുറ്റിപ്പറമ്പില് അമല്, ആക്കനാട്ടുകര മാങ്കോയിക്കല് ദിലീപ്, നടുവിലെ വടക്കേതില് സുരേഷ് എന്നിവരെയാണ് അറസ്റ്റ് ചെയ്തത്. ഒരാള് രക്ഷപെട്ടു. അറനൂറ്റിമംഗലം ശിവഭവനത്തില് ബിനു (27) വാണ് രക്ഷപെട്ടത്. വെള്ളിയാഴ്ച രാത്രി പത്തരയോടെ തഴക്കര അറനൂറ്റിമംഗലം യുപി സ്കൂളിനു സമീപം കൊടികത്തിച്ച സംഭവത്തിലാണ് അമല് അറസ്റ്റിലായത്. ഈകേസിലെ പ്രതിയാണ് ബിനുവും.
പ്രദേശത്ത് വ്യാപകമായി കഴിഞ്ഞ ദിവസങ്ങളില് കൊടിതോരണങ്ങള് നശിപ്പിച്ചിരുന്നു. ഇന്നലെ രാത്രിയില് ഇരുവരും ബൈക്കിലെത്തിയ ശേഷം പതാക കത്തിക്കാന് ശ്രമിക്കുന്നതിനിടയില് നാട്ടുകാര് കാണുകയും ഇവര് ഓടിച്ചിട്ട് അമലിനെ പിടികൂടുകയുമായിരുന്നു. പോലീസില് വിവരം അറിയിച്ചതനുസരിച്ച് സ്ഥലത്ത് എത്തിയ മാവേലിക്കര സിഐ ജോസ് മാത്യു അമലിനെ കസ്റ്റഡിയില് എടുത്തു.
നേരത്തെ ആക്കനാട്ടുകരയില് കൊടി നശിപ്പിച്ച സംഭവത്തിലാണ് ദിലീപിനെയും സുരേഷിനെ അറസ്റ്റു ചെ യ്തത്. ഇവര്ക്കെതിരെ കേസ് എടുത്തതായും പ്രദേശത്ത് മുന്പ് നടന്ന സംഘര്ഷങ്ങള്ക്ക് പിന്നില് ഇവര്ക്ക് പങ്കുണ്ടോയെന്ന് വിശദമായി ചോദ്യം ചെയ്യുമെന്നും പോലീസ് അറിയിച്ചു.
