കുറിച്ചി: ചരക്കുസേവന നികുതി ബില്ലുകള് അവതരിപ്പിക്കാന് സമ്മതിക്കാതെ രാജ്യത്തിന്റെ പുരോഗതിയെ തകര്ക്കാനുള്ള ശ്രമമാണ് കോണ്ഗ്രസ്സ് ചെയ്യുന്നതെന്ന് ബിജെപി ഉത്തര്പ്രദേശ് എംപി കീര്ത്തിവര്ദ്ധന് സിങ് പറഞ്ഞു. ബിജെപി സംസ്ഥാന വ്യാപകമായി നടത്തുന്ന ജനകീയ കൂട്ടായ്മയുടെ ഭാഗമായി ചങ്ങനാശേരി കുറിച്ചിയില് നടത്തിയ പരിപാടിയില് പങ്കെടുത്ത് സംസാരിക്കുകയായിരുന്നു അദ്ദേഹം. കഴിഞ്ഞ 10 വര്ഷം അഴിമതി ഭരണം നടത്തിയ യുപിഎ സര്ക്കാരിന്റെ ഭരണ തുടര്ച്ച എന്ന രീതിയിലാണ് മുഖ്യമന്ത്രി ഉമ്മന്ചാണ്ടി സര്ക്കാരിന്റെ നേതൃത്വത്തിലും കേരളത്തിലെ ഭരണം. ഈ ഭരണം ഈ നാട്ടിലെ ജനങ്ങള് കണ്ടുകൊണ്ടിരിക്കുയാണ്. യുപിഎ സര്ക്കാരിന് സംഭവിച്ചതുപോലെ ഉമ്മന്ചാണ്ടി സര്ക്കാരിന് സംഭവിക്കും. കേരളത്തില് ബിജെപി സര്ക്കാര് അധികാരത്തില് വരാന് ജനങ്ങള് സഹകരിക്കണമെന്നും അദ്ദേഹം അഭ്യര്ത്ഥിച്ചു.നിയോജക മണ്ഡലം കണ്വീനര് എം.എസ് വിശ്വനാഥന്റെ അദ്ധ്യക്ഷതയില് കൂടിയ യോഗത്തില് സംസ്ഥാന ട്രഷറര് എം.ബി.രാജഗോപാല് ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന്, സംസ്ഥാന സെക്രട്ടറി അഡ്വ. നാരായണന് നമ്പൂതിരി, മേഖല ജനറല് സെക്രട്ടറി രാജ് മോഹന്, സുരേന്ദ്രനാഥ്, പി.ടി.വീരസിംഹന്, പ്രദീപ്, ജില്ലാ ജനറല് സെക്രട്ടറി കെ.എം.സന്തോഷ്കുമാര് തുടങ്ങിയവര് പ്രസംഗിച്ചു. കുറിച്ചി പഞ്ചായത്ത് കമ്മറ്റി പ്രസിഡന്റ് മഞ്ജീഷ് സ്വാഗതവും ഉദയകുമാര് നന്ദിയും രേഖപെടുത്തി.
കോണ്ഗ്രസ്സ് കേന്ദ്രസര്ക്കാരിന്റെ വികസന പദ്ധതികളെ അട്ടിമറിക്കാന് ശ്രമിക്കുന്നു: കീര്ത്തിവര്ദ്ധന് സിങ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.