പറവൂര്: വടക്കേക്കര കട്ടതുരുത്ത് വാലാത്ത് ക്ഷേത്രത്തിന് സമീപം ശ്രീകൃഷ്ണജയന്തി ആഘോഷങ്ങള്ക്കുള്ള ഒരുക്കങ്ങള് ചെയ്യുന്നതിനിടയില് ബാലഗോകുലം പ്രവര്ത്തകരെ ഒരുകൂട്ടം ഡിവൈഎഫ്ഐ ഗുണ്ടകള് യാതൊരു പ്രകോപനവുമില്ലാതെ ആക്രമിച്ചതില് പ്രതിഷേധം ശക്തമായി.
അക്രമത്തില് പരിക്കേറ്റ ബാലഗോകുലം ്രപവര്ത്തകര് അണ്ടിപ്പിള്ളിക്കാവിലെ സ്വകാര്യ ആശുപത്രിയില് ചികിത്സയിലാണ്. ഇതിനിടയില് ശ്രീകൃഷ്ണജയന്തി ശോഭായാത്ര നടത്താന് അനുവദിക്കില്ലെന്നു പറഞ്ഞ് വാല്യത്തുരുത്ത്, കട്ടതുരുത്ത്, വാവക്കാട് എന്നീ പ്രദേശങ്ങളില് സ്ഥാപിച്ചിരുന്ന ശ്രീകൃഷ്ണജയന്തിയുടെ ഫഌക്സുകള്, പോസ്റ്ററുകള്, ബോര്ഡുകള് എന്നിവ വ്യാപകമായി നശിപ്പിക്കപ്പെട്ടു.
അക്രമങ്ങള് നടത്തിയ സാമുഹ്യവിരുദ്ധര്ക്കെതിരെ നടപടിയെടുക്കണമെന്നാവശ്യപ്പെട്ട് വീഡിയോദൃശ്യം ഉള്പ്പെടെ വടക്കേക്കര പോലീസില് പരാതി നല്കിയിരിക്കുകയാണ് സംഘപരിവാര് പ്രവര്ത്തകര്.
വര്ഷങ്ങളായി നടത്തിവരുന്ന ശ്രീകൃഷ്ണജയന്തി ശോഭായാത്ര ഈവര്ഷം കട്ടതുരുത്തില് നടത്തുവാന് അനുവദിക്കില്ലെന്നും ഇത് തങ്ങള് നടത്തിക്കൊള്ളാമെന്നാണ് ഡിവൈഎഫ്ഐക്കാരുടെ ഭാഷ്യം. ബാലഗോകുലം പ്രവര്ത്തകരെ ആക്രമിച്ചതിലും ബോര്ഡുകളും പോസ്റ്ററുകളും മറ്റും വ്യാപകമായി നശിപ്പിച്ചതിലും പ്രതിഷേധിച്ച് സംഘപരിവാര് സംഘടനകളുടെ നേതൃത്വത്തില് പ്രതിഷേധപ്രകടനവും പൊതുയോഗവും സംഘടിപ്പിച്ചു.
ഹിന്ദു ഐക്യവേദി ജില്ലാ ജനറല് സെക്രട്ടറി കെ.ആര്. രമേഷ്കുമാര് യോഗം ഉദ്ഘാടനംചെയ്തു. ആര്എസ്എസ് ജില്ലാ ശാരീരിക് പ്രമുഖ് സുധി ആലങ്ങാട്, ചെറായി താലൂക്ക് കാര്യവാഹ് പി.ആര്. രമേഷ്കുമാര്, ബിജെപി പറവൂര് മണ്ഡലം പ്രസിഡന്റ് അജി പോട്ടശ്ശേരി, വൈസ് പ്രസിഡന്റ് സോമന് ആലപ്പാട്ട് എന്നിവര് പ്രസംഗിച്ചു.
