കൊച്ചി: അക്വാപോണിക്സ് നര്സറി സംവിധാനത്തില് വളര്ത്തിയെടുത്ത കാളാഞ്ചി കുഞ്ഞുങ്ങളെ നിക്ഷേപിച്ച് നടത്തിയ കൂട് കൃഷി വമ്പിച്ച വിജയം. എറണാകുളം ഗോതുരുത്ത് തുരുത്തിപ്പുറം പുഴയില് ജെയ്സണ് മനക്കിലിന്റെ ആഭിമുഖ്യത്തില് സമുദ്രോത്പന്ന കയറ്റുമതി വികസന അതോറിറ്റിയുടെ സാങ്കേതിക സഹായത്താല് അഞ്ച് കൂടുകളിലായി ആണ് മത്സ്യകൃഷി നടത്തപ്പെട്ടത്. സമുദ്രോത്പന്ന കയറ്റുമതി വികസന അതോറിറ്റി ഇദംപ്രഥമായി പാലക്കാട് ജില്ലയിലെ നന്നിയോട് നടത്തിയ അക്വപോണിക്സ് നഴ്സറി പ്രദര്ശന കൃഷിയിടത്തില് വളര്ത്തിയെടുത്ത നാല് ഇഞ്ച് വലിപ്പമുള്ള 1000 കാളാഞ്ചി മത്സ്യക്കുഞ്ഞുങ്ങളെയാണ് കൂടുകളില് നിക്ഷേപിച്ചിരുന്നത്. സാധാരണ ഗതിയില് 11 മാസം കൊണ്ട് ലഭിക്കുന്ന ഒരു കിലോഗ്രാം വളര്ച്ച എട്ട് മാസം കൊണ്ട് ലഭ്യമായി. 40 ദിവസം കൊണ്ട് അക്വാപോണിക്സ് നര്സറി സംവിധാനത്തില് നാല് ഇഞ്ച് വലിപ്പത്തിലുള്ള കുഞ്ഞുങ്ങളായി വളര്ത്തിയെടുക്കാന് സാധിച്ചു. കൂടുകളില് ഉല്പാദിപ്പിക്കപ്പെട്ട 1200 കിലോയോളം മത്സ്യങ്ങളെ ഇന്ന് വിളവെടുക്കും. വി.ഡി. സതീശന് എംഎല്എ വിളവെടുപ്പുദ്ഘാടനം ചെയ്യും. കൂട് മത്സ്യകൃഷി, അക്വപോണിക്സ് എന്നിവയെക്കുറിച്ച് അറിയാന് താത്പര്യമുള്ളവര് 8547905872 എന്ന നമ്പരില് ബന്ധപ്പെടുക.
അക്വാപോണിക്സ് നര്സറി സംവിധാനത്തിലൂടെ ലഭിച്ച കാളാഞ്ചി കൂട് കൃഷി വമ്പിച്ച വിജയം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.