പാലാ: പാലാ-പൊന്കുന്നം ഹൈവേ നിര്മ്മാണത്തിന് തോടുകയ്യേറി ഭിത്തി കെട്ടിയത് ജനങ്ങളെ ഭീതിയിലാക്കുന്നു. റോഡിനു സമാന്തരമായി ഒഴുകുന്ന തോടിന്റെ പല ഭാഗങ്ങളിലും വീതിഗണ്യമായി കുറഞ്ഞത് ജലനിര്ഗ്ഗമന സാദ്ധ്യതകള് ഇല്ലാതാകുന്നു. ഇടവപ്പാതി-തുലാവര്ഷങ്ങളില് വെള്ളമൊഴുക്ക് ഉണ്ടായി തീരത്തുള്ള വീടുകളില് വെള്ളം കയറുന്നു. റോഡ് ഉയര്ത്തി നിര്മ്മിക്കുന്നതുമൂലം തോട് ഇടുങ്ങുകയും സുഗമമായ ഒഴുക്ക് തടസ്സപ്പെടുകയും ചെയ്യുന്നതോടെ വാസസ്ഥലങ്ങളില് വെള്ളം കെട്ടികിടക്കാനുള്ള സാദ്ധ്യതയുംകൂടി. ഇത് ജീവിതം ദുഃസ്സഹമാക്കുമെന്നു ജനങ്ങള് ഭയപ്പെടുന്നു.
റോഡിനുവേണ്ടി കയ്യേറിയതിനുപകരമായി തോടു വീതികൂട്ടുകയും തീരങ്ങളിലെ കയ്യേറ്റങ്ങള് ഒഴിവാക്കി ജലനിര്ഗ്ഗമനം സുഗമമാക്കുകയും ചെയ്ത് വര്ഷകാലത്ത് ഭയമില്ലാതെ ജീവിക്കാനുള്ള സാഹചര്യമുണ്ടാക്കണമെന്ന് ജനങ്ങള് ആവശ്യപ്പെട്ടു. ബന്ധപ്പെട്ട പഞ്ചായത്തുകളും ചെറുകിട ജലസേചനവകുപ്പും അടിയന്തിരമായി ഇടപെടണമെന്നും ആവശ്യം ഉയര്ന്നു.
