തിരൂരങ്ങാടി: സംസ്ഥാന സര്ക്കാരിന്റെ തൊഴിലാളി വിരുദ്ധ നിലപാടുകള് പ്രതിഷേധാര്ഹമാണെന്ന് ബിഎംഎസ്. തൊഴിലാളികളെ നിരന്തരം ദ്രോഹിക്കുന്ന നിലപാട് സ്വീകരിക്കുന്ന സര്ക്കാരിനെതിരെ തിരൂരങ്ങാടി പഞ്ചായത്തില് സംഘടിപ്പിച്ച പദയാത്രയില് പ്രതിഷേധമിരമ്പി. ഇന്നലെ വെന്നിയൂരില് നിന്ന് ആരംഭിച്ച പദയാത്ര തൃക്കുളം കരിപറമ്പില് സമാപിച്ചു. ബിഎംഎസ് പഞ്ചായത്ത് കമ്മറ്റി പ്രസിഡന്റ് ടി.പി.രവീന്ദ്രന് നയിച്ച പദയാത്രക്ക് വിവിധ സ്ഥലങ്ങളില് സ്വീകരണം നല്കി. സമാപന സമ്മേളനം ജില്ലാ കമ്മറ്റിയംഗം വി.ദേവദാസന് വള്ളിക്കുന്ന് ഉദ്ഘാടനം ചെയ്തു. വിളയില് കൃഷ്ണദാസ്മുഖ്യപ്രഭാഷണം നടത്തി. സി.പി.ഉണ്ണി, പ്രേമദാസന്, കെ.പി.പ്രകാശന്, ദേവു ഉണ്ണി, എന്.സതീശന് കോട്ടത്തറ എന്നിവര് സംസാരിച്ചു.
പരപ്പനങ്ങാടി പഞ്ചായത്ത് കമ്മറ്റിയുടെ നേതൃത്വത്തില് ഇന്ന് പദയാത്ര നടക്കും. ജില്ലാ വൈസ് പ്രസിഡന്റ് വി.ചന്ദ്രന് ഉദ്ഘാടനം ചെയ്യും. വൈകിട്ട് നടക്കുന്ന സമാപനസമ്മേളനം സംസ്ഥാന ജനറല് സെക്രട്ടറി എം.പി.ചന്ദ്രശേഖരന് ഉദ്ഘാടനം ചെയ്യും.
