പാറ്റ്ന: അരബ് രാജ്യത്തെ വന് പര്യടന വിജയത്തിനു ശേഷം വിശ്രമം ഉപേക്ഷിച്ച് ബീഹാറില് പറന്നിറങ്ങിയ പ്രധാനമന്ത്രി മോദി ബീഹാര് ജനതയുടെ അഭിമാനവും പ്രതീക്ഷയും വര്ദ്ധിപ്പിച്ചു. സംസ്ഥാനത്തിന്റെ വികസനത്തിന് 1.65 ലക്ഷം കോടി രൂപ പ്രഖ്യാപിച്ച പ്രധാനമന്ത്രി ബീഹാര് ജനതയുടെ ആത്മാഭിമാനത്തെ ആവേശംകൊണ്ടുണര്ത്തി.
മോദി സന്ദര്ശിച്ച രണ്ടു സ്ഥലങ്ങളും സംസ്ഥാന ജനതയുടെ വൈകാരിക കേന്ദ്രങ്ങളായിരുന്നു; ആറായും സഹാറയും. പാറ്റ്നയിലെ അലസത പിടിച്ച നഗരമായ ആറ മോദിയെ ആവേശത്തോടെ സ്വീകരിച്ചു. അദ്ദേഹം അവിടെ 150 വര്ഷത്തിലേറെ പഴക്കമുള്ള വീര് കുന്വര് സിങിന്റെ ചരിത്രം ഓര്മ്മിപ്പിച്ചു. സഹാറയാകട്ടെ കോശി നദിയുടെ ചരിത്രവുമായി ബന്ധപ്പെട്ടാണ് മോദി ഓര്മ്മിപ്പിച്ചത്. നദിയും ഗോപെ യാദവെന്ന ഇതിഹാസ തുല്യന്റേതാണെന്ന് മോദി അനുസ്മരിച്ചു. റോം പോപ്പിന്റേതാണെങ്കില് സഹാറാ ഗോപ്പിന്റെതാണ്, അദ്ദേഹം പറഞ്ഞു.
ഒമ്പതു കേന്ദ്രമന്ത്രിമാര്ക്കൊപ്പം പങ്കെടുത്ത ചടങ്ങില് മോദി ബീഹാര് ആത്മവീര്യത്തെ പിന്നെയും ഉണര്ത്തി. ബിജെപിയെ വഞ്ചിച്ച നിതീഷ് കുമാര് ബീഹാറിനെ എങ്ങനെ പിന്നാക്കം തള്ളിയെന്ന് മോദി വിവരിച്ചു. കോണ്ഗ്രസ് നയിച്ച യുപിഎ സര്കാരിന്റെ കാലത്ത് മുഖ്യമന്ത്രി നിതീഷ് ദല്ഹിയില് പോയി 12,000 കോടി രൂപയുടെ സഹായം ചോദിച്ച് ദിവസങ്ങള് കാത്തുകിടന്നത് മോദി ഓര്മ്മിപ്പിച്ചു.
നിതീഷും പിന്ഗാമിയായി വന്ന ജിതന് മാഞ്ചിയും 8,000 കോടി രൂപ സംസ്ഥാനാവശ്യങ്ങള്ക്കനുവദിച്ചത് ചെലവാക്കാതെ പാഴാക്കിയെന്നും മോദി വിമര്ശിച്ചപ്പോള് ജനക്കൂട്ടം ഷെയിം ഷെയിം വിളിച്ചു. പാര്ലമെന്റു നടപടികള് തടസപ്പെടുത്തി വികസനം മുരടിപ്പിക്കുന്ന കോണ്ഗ്രസിന്റെയും കൂട്ടാളികളുടെയും പിന്തുണയോടെയാണ് നിതീഷ് ഇന്നു ഭരിക്കുന്നതെന്നും മോദി പറഞ്ഞു.
