ന്യൂദല്ഹി: പാചക വാതക സബ്സിഡി ഉപേക്ഷിക്കുന്നത് സഹോദരനുവേണ്ടി അമ്പലത്തിലെ ക്യൂവില്നിന്ന് പ്രസാദം വാങ്ങുന്നതുപോലെയാണെന്ന് പ്രധാനമന്ത്രി മോദി. ഇതിനകം 20 ലക്ഷം പേര് ഗ്യാസ് സബ്സിഡി ഉപേക്ഷിച്ച പ്രവര്ത്തനം ഒരു പ്രസ്ഥാനമാകാന് പോവുകയാണെന്ന് മോദി പറഞ്ഞു. നിങ്ങള്സമ്പന്നരാണെങ്കില് എന്തിനാണ് പാചകവാതക സബ്സിഡിയുടെ 500-700 രൂപ? ചായയ്ക്കും കടിക്കുമായി പ്രതിദിനം നിങ്ങള് എത്ര ചെലവിടുന്നു. ഞാന് ഇപ്പോള് ഒരു പ്രചാരണ പരിപാടിക്ക് തുടക്കമിട്ടിരിക്കുകയാണ്. എന്നാല് ടീം ഇന്ത്യ എന്ന നിലയ്ക്ക് അത് തുടങ്ങണമെന്നാണ് ഞാന് വിശ്വസിക്കുന്നത്. ജനങ്ങള് കാര്യമറിഞ്ഞ വരുമ്പോള് ഫലമുണ്ടാകും.
പാചകവാതക സബ്സിഡിയില് ഒരു ഗിവ് ഇറ്റ് അപ് പ്രസ്ഥാനം ഞങ്ങള് ആരംഭിച്ചു. ഇതുവരെ 20 ലക്ഷം പേര് തങ്ങളുടെ സബ്സിഡി വേണ്ടെന്നുവെച്ചു. ഇതൊരു ചെറിയ സംഖ്യയല്ല. അമ്പലത്തിലെ ക്യൂവില് പ്രസാദത്തിനായി നില്ക്കുമ്പോള് ചിലപ്പോള് നമ്മുടെ സഹോദരനുവേണ്ടിയും നാം വാങ്ങിക്കും. അത് നമ്മുടെ സ്വഭാവമാണ്. പക്ഷേ ഈ 20 ലക്ഷം ജനങ്ങളും സമ്പന്ന കുടുംബങ്ങളില് നിന്നല്ല. അവരില് ഇടത്തരക്കാരുണ്ട്, അദ്ധ്യാപകരുണ്ട്, ചില പെന്ഷന്കാരുമുണ്ട്. ഈ പണം ഏതെങ്കിലും പാവപ്പെട്ട കുടുംബത്തിലാണ് പോകുന്നതെന്ന് അറിഞ്ഞപ്പോള് അവര് തങ്ങളുടെ സബ്സിഡി വേണ്ടെന്നു വച്ചു.
ഈ 20 ലക്ഷം പാചകവാതക സിലിണ്ടറുകളും പുക നിറഞ്ഞ അടുക്കളകളുള്ള പാവപ്പെട്ട കുടുംബങ്ങളിലെത്തിയാല്, നിങ്ങള് തന്നെ പറയൂ, ആ അമ്മയുടെ, വികാരം എന്തായിരിക്കും. പുക കൊണ്ട് കരഞ്ഞിരുന്ന കുട്ടികള്ക്ക് എന്ത് ആശ്വാസമാവും ലഭിക്കുക. ശരിയായ ദിശയിലുള്ള ജോലി ഫലങ്ങള് നല്കും, മോദി പറഞ്ഞു.
