റിയാദ്: സൗദി അറേബ്യയിയില് ജോലിക്കായി വിസ അനുവദിക്കുന്നതുമായി ബന്ധപ്പെട്ട് ഭാരതം യാതൊരു വിധത്തിലുമുള്ള നിയന്ത്രണങ്ങള് ഏര്പ്പെടുത്തിയിട്ടില്ലെന്ന് സൗദി ഇന്ത്യന് എംബസി. ഭാരതത്തില് നിന്നും വര്ക് വിസ അനുവദിക്കുന്നത് താല്ക്കാലികമായി നിര്ത്തിവെച്ചിരിക്കുകയാണെന്ന് അടുത്തിടെ വാര്ത്ത പുറത്തുവന്നിരുന്നു. ഇതിനെ തുടര്ന്നാണ് ഭാരത എംബസി വിശദീകരണവുമായി രംഗതെത്തിയത്.
ഭാരതത്തില് നിന്നും വര്ക് വിസയ്ക്ക് അപേക്ഷിക്കുന്നവരില് 25 ശതമാനം ആളുകളും വീട്ടുജോലിയ്ക്കുവേണ്ടിയാണെന്നാണ് കേന്ദ്ര തൊഴില് മന്ത്രാലയത്തിന്റെ കണക്കുകള് വ്യക്തമാക്കുന്നത്. എന്നാല് നിലവില് ഇതിന് യാതൊരു വിധത്തിലുമുള്ള നിയന്ത്രണങ്ങള് ഏര്പ്പെടുത്തിയിട്ടില്ലെന്ന് എംബസി ഔദ്യോഗിക വക്താവ് ഹിഫ്സുര് റഹ്മാന് അറിയിച്ചു. ഇത്തരം വാര്ത്തകള് പ്രചരിപ്പിക്കുന്നത് ജനങ്ങള്ക്കിടയില് തെറ്റിദ്ധാരണയുളവാക്കും. സൗദിയില് തൊഴിലാളികളില് ഭൂരിഭാഗവും ഭാരതത്തില് നിന്നുള്ളവരാണ്.
