ശ്രീ പുന്നാഗവനാന്തരാളവിലസത്പ്രാകാരരേഖാവൃത-
ശ്രീമത്തുംഗവിമാനമന്ദിരഗതംശ്രീഭൂമിസംസേവിതം
ദേവം സന്നതവൈനതേയവിനുതംഭുലോകഭാഗ്യം പരം
വന്ദേശ്രീമധുസൂദനം പ്രണമതാംസര്വാര്ത്ഥചിന്താമണീം
യംദേവം മനസാ വിവിച്യ നിഗമൈര്വിന്ദേതസൗഖ്യം പരം
സന്ദേശഃ കില യസ്യ വേദപടലീമന്ദേതരാര്ത്ഥാവലിഃ
സന്ദേഹോ ന യദര്ച്ചയൈവപുരുഷോവൃന്ദേശതാം വിന്ദതേ
വന്ദേ ശ്രീമധുസൂദനം ശുഭകരംതം ദേവദേവം ഹരിം
മന്ദാരം ഭജതാമഭീഷ്ടഘടനേകുന്ദാവദാതസ്മിതം
ഭിന്ദാനം നിജഭക്തലോകദുരിതംബൃന്ദാരകാഭ്യര്ചിതം
മന്ദാനാമതിദൂര പാദഭജനംമന്ദാരഭൂമീരുഹം
വിന്ദാമോ മധുസൂദനം ഹൃദി സദാരതം ദാനവാരീം ഹരിം
ലീലാകല്പിതഭൂതഭൗതികജഗജ്ജാലാവനേ ദീക്ഷിതം
കാലാംഭോധരകോമാളംഗസുഭഗംനീലാരാമാവല്ലഭം
ബാലാര്ക്കദ്യുതിരഞ്ജിതാംബുജദൃശംനീലാളകം സുന്ദരം
കാലാദിംമധുസൂദനം കലയതാംകാലാതിവാഹോളസ്തുനഃ
ആകാശാദിസമസ്താഭൂതജനകംരാകാശശാങ്കാനനം
ശ്രീകാമൈരഭിവന്ദ്യമാനചരണംശോകാപനോദം സതാം
ലോകാനന്ദകരംഭവാമയജുഷാമേകാന്തസിദ്ധൗഷധീം
നീകാശം മധുസൂദനം വസുമതീശ്രീകാമുകം മന്മഹേ
