മുണ്ടക്കയം: കൂട്ടിക്കല് കൃഷിഭവനിലെ കൈത കൃഷി സബ്സീഡി തട്ടിപ്പ്, കാര്ഷിക വികസന സമിതി യോഗത്തില് ബഹളം ,കൂട്ടിക്കല് കൃഷിഭവനില് നിന്നും വ്യാജ രേഖകള് സമര്പ്പിച്ച് ഇല്ലാത്ത കൃഷിയുടെ പേരില് 44 ലക്ഷത്തോളം രൂപ തട്ടിയെടുത്ത സംഭവത്തില് പ്രശ്നങ്ങള് കൂടുതല് സങ്കീര്ണമാവുകയാണ്. കഴിഞ്ഞദിവസം കലക്ടറുടെ നിര്ദേശാനുസരണം ഗ്രാമ പഞ്ചായത്ത് സെക്രട്ടറി കെ.സെന്കുമാര് രേഖകള് പിടിച്ചെടുത്ത ശേഷം കൃഷി ഭവന് പുതിയ താഴ് ഉപയോഗിച്ചു അടച്ചു പൂട്ടുകയായിരുന്നു.പ്രവര്ത്തി ദിവസമായ വ്യാഴാഴ്ച രാവിലെ കൃഷി ആഫീസര് അടക്കമുളള ജീവനക്കാര് പഞ്ചായത്തില് എത്തിയതോടെ ആഫീസിന്റെ താക്കോല് നല്കിയെങ്കിലും പിടിച്ചെടുത്ത രേഖകള് സൂക്ഷിച്ചിരിക്കുന്ന ലോക്കറിന്റെ താക്കോല് നല്കാന് സെക്രട്ടറി തയ്യാറായില്ല.തുടര്ന്ന് പതിനൊന്നുമണിയോടെ കൃഷി വികസന സമിതി യോഗം പഞ്ചായത്ത് പ്രസിഡന്റ് ്ര വി.എം.ജോസഫിന്റെ അധ്യക്ഷതയില് ചേര്ന്നു.എല്ലാ രാഷ്ട്രിയ പാര്ട്ടി പ്രതിനിധികളുടെയും സാന്നിദ്ധ്യത്തിലായിരുന്നു യോഗം. അംഗ ങ്ങള്ക്കുളള ചര്ച്ച വേളയില് സി.പി.എം.,സി.പി.ഐ.അംഗങ്ങള് തട്ടിപ്പിനെതിരെ യും ഗ്രാമ പഞ്ചായത്ത് ഭരണ സമിതിക്കെതിരെയും പ്രതികരിച്ചു.ഇതിനിടയില് ഏഴോളം എല്.ഡി.എഫ് പ്രവര്ത്തകര് കൃഷി ഭവനു മുന്നിലെത്തി മുദ്രാവാക്യം വിളിച്ചു .
വികസന സമിതി യോഗത്തില് പങ്കെടുത്ത ഇടത് അംഗങ്ങള് ഒഴികെയുളളവര് പഞ്ചായത്ത് ഭരണസമിതിയെ അനുകൂലിച്ചും സമിതിയേയും പഞ്ചായത്തിനെയും കബളിപ്പിച്ച ഉദ്യോഗസ്ഥന്മാര്ക്കെതിരെയും ശക്തമായ ഭാഷയില് വിമര്ശിച്ചു. ഇതിനിടയില് ഇടതു അംഗങ്ങളായ ജേക്കബ് ജോര്ജ്, എം.സി. ഷാബു,എം.ജെ. രാജു, സരസ്സമ്മ സാബു എന്നിവര് യോഗം ബഹിഷ്കരിച്ചു. അംഗങ്ങളുടെ ചര്ച്ച യ്ക്കും പഞ്ചായത്ത് പ്രസിഡന്റിന്റെ വിശദീകരണത്തിനുംശേഷം കൃഷി ആഫീസര് മുത്തുസ്വാമി വിശദീകരണത്തിനെഴുന്നേറ്റ് സംസാരിക്കാന് തുടങ്ങിയതോടെ പുറത്തുണ്ടായിരുന്ന പ്രതിഷേധക്കാര് ആഫീസിനുളളിലേക്കു ഇരച്ചുകയറി മുദ്രാവാക്യംവിളിച്ച് യോഗം തടസ്സപെടുത്തി.ബഹളത്തിനിടയില് കൃഷി ആഫീസര്ക്ക് പ്രസംഗിക്കാനായില്ല.വിജിലന്സ് അന്വേഷണത്തിനു ശുപാര്ശ ചെയ്്തതായും അടുത്ത ദിവസം അതിന്റെ ഉത്തരവിറങ്ങുമെന്നും വികസന സമിതി ചെയര്മാന് കൂടിയായ പഞ്ചായത്ത് പ്രസിഡന്റ് പിന്നീട് ് അറിയിച്ചു.ഇതോടെ വീണ്ടും കൃഷി ആഫീസര് പ്രസംഗിക്കാനായി എഴുനേറ്റങ്കിലും പ്രസിഡന്റ് അതിനനുവദിക്കാതെ യോഗം പിരിച്ചുവിടുകയായിരുന്നു.
കൃഷി ഭവന് തട്ടിപ്പുമായി ബന്ധപെട്ടു കൂടുതല് വിവരങ്ങള് പുറത്തു വന്നു കൊണ്ടിരിക്കുകയാണ്. യൂത്തുകോണ്ഗ്രസ് കൂട്ടിക്കല് മണ്ഡലം ഭാരവാഹിയും കൃഷി വികസന സമിതി അംഗവുമായ ആളടക്കമുളളവര് തട്ടിപ്പില് പങ്കാളികളായതായാണ് അറിയുന്നത്.വിവരാവകാശ നിയമം അനുസരിച്ചു കൃഷി വകുപ്പു പുറത്തു വിട്ട പട്ടികയില് ഇയാളുടെ പേരിലുണ്ടായ അക്ഷരതെറ്റിന്റെ പേരില് രക്ഷപെട്ടതായാണ് അറിയുന്നത്.
