ബീജിംഗ്: കൈലാസം-മാനസസരോവര് യാത്രയ്ക്കുള്ള രണ്ടാമത്തെ പാത അടുത്ത മാസം തുറക്കുമെന്ന് ചൈന സന്ദര്ശനത്തിനിടെ പ്രധാനമന്ത്രി നരേന്ദ്ര മോദി അറിയിച്ചു. നാതു ലാ എന്ന പാതയാണ് ജൂണോട് കൂടി പ്രവര്ത്തനക്ഷമമാകുക. ഇതിന് താന് ചൈനയോട് നന്ദി പറയുന്നെന്നും പ്രധാനമന്ത്രി പറഞ്ഞു. ഇരു രാജ്യങ്ങളും തമ്മില് 24 ഉടമ്പടികള് ഒപ്പു വച്ചതിന് ശേഷം സംസാരിക്കുകയായിരുന്നു അദ്ദേഹം.
സമുദ്ര നിരപ്പില് നിന്നും 4000 മീറ്റര് ഉയരെയായി നിര്മിച്ചിരിക്കുന്ന ഹിമാലയത്തിലൂടെയുള്ള നാതു ലാ എന്ന ഈ രണ്ടാം പാതയിലൂടെ ഇനി കൂടുതല് ഇന്ത്യക്കാര്ക്ക് ഇവിടേക്ക് തീര്ത്ഥാടനത്തിന് പോകാനാകും. ഉത്തരാഖണ്ടിലെ ലിപുലേഖ് പാസാണ് നിലവില് കൈലാസംമാനസസരോവര് യാത്രയ്ക്കുള്ള ഏക വഴി.
2013ല് ഉത്തരാഖണ്ഡിലുണ്ടായ വെള്ളപ്പൊക്കത്തില് ലിപുലേഖ് പാസിന് സാരമായ കേടുപാടുകളുണ്ടായിരുന്നു. പുതിയ പാത തുറക്കുന്നതിലൂടെ തീര്ത്ഥാടകരുടെ എണ്ണത്തില് വര്ദ്ധനയുണ്ടാകുമെന്നാണ് പ്രതീക്ഷിക്കുന്നത്.
